Matvælastofnun (MAST) hefur sektað laxeldisfyrirtækið Arnarlax um 120 milljónir króna fyrir að hafa ekki tilkynnt um strok á eldislöxum og fyrir að hafa ekki staðið sig nægilega vel í því að reyna að ná löxunum sem struku úr sjókví fyrirtækisins í Arnarfirði. Gat hafði komið á kvínna. Þetta kemur fram í frétt á heimasíðu MAST. Um er að ræða fyrstu slíku sektina sem lögð er á íslenskt laxeldisfyrirtæki.
Í frétt MAST segir að fyrirtækið hafi ekki getað gert grein fyrir tæplega 82 þúsund löxum þegar slátrað var upp úr eldiskví fyrirtækisins. Þetta þýðir að tæplega 82 þúsund laxar kunna að hafa sloppið úr kví fyrirtækisins þegar gatið kom á það. MAST telur að brot Arnarlax sé „alvarlegt“ og „aðgæsluleysið vítavert“.
Orðrétt segir á heimasíðu MAST: „Samkvæmt 1. gr. laga um fiskeldi eru markmið laganna meðal annars þau að stuðla …
Stórslysið í Arnarfirði.
Nú er komið í ljós hvernig "innra eftirlit" eldisfyrirtækjanna norsku er í framkvæmdinni. Heildarfiskafjöldinn er sagður hafa verið í upphafi 133 þúsund, þegar alkunnugt er á staðnum að yfirleitt er fjöldinn um 160.000 í hverri sjókví, nema þar sem yfirsett er í kvíarnar eins og Arnarlax varð uppvís með á síðasta ári þegar fengin voru 2 flutningaskip til að dæla upp dauðfiski úr yfirfullum kvíum, samtals nálægt 2000 tonnum. Síðan segjr forstjórinn að 32.000 laxar hafi drepist í kvíinni eða um 25% af uppgefnum 132.000 fiskum., sem er fáheyrt dýraníð. Oft er dauðfiskur í sjókvíum sagður að hámarki 3-5 %. Með þessum leiðréttingum er strokfiskurinn ekki 81.564 laxar heldur nær 130.000. Enda tók það Arnarlax fleiri vikur að kokka saman uppgefnar tölur. Eigi að síður er nú upplýst um risavaxið náttúruslys og hversu gjörónýtt allt eftirlit er. Tjónið er byrjað að koma fram og hlýtur að skýrast á næstu mánuðum og árum. Því miður var reglugerðarákvæði frá 2015 um skyldumerkingar 10% eldislaxa í sjókvíum af einhverjum undarlegum ástæðum fellt niður með nýrri reglugerð um fiskeldi árið 2019, þannig að nú er miklu erfiðara að þekkja eldislaxa í veiðiám. Þetta risavaxna tjón hlýtur að leiða til umfangsmikilla skaðabótakrafna á hendur tjónvaldinum. Sektarákvörðun MAST upp á 120 milljónir er bara byrjunin. En hortugheitin láta ekki á sér standa hjá norska forstjóranum og stjórnarformanninum, húskarli hans. Næst ætla þeir að áfrýja sektinni eða höfða mál henni til ógildingar, sem kann að fresta lyktum málsins jafnvel í 2-3 ár. Þá gefst fyrirtækinu tími til að auka enn meira umfangið með nýjum viðbótarkvíum. Sorgleg saga en sönn.