Fyrri aukaspurning:

Ungi karlmaðurinn á myndinni var efnilegur málari en er nú reyndar þekktastur fyrir að hafa verið um skamma hríð í rokkhljómsveit sem náði miklum vinsældum. Hvað hét hann? Og svo er í boði lárviðarspurning með krossi og eikarlaufum, af því hún er ansi erfið: Hvað heitir stúlkan?

***

Aðalspurningar:

1.  Dav Pilkey er afar vinsæll rithöfundur og reyndar myndlistarmaður líka. Hann hefur gefið út fjölda bóka og rúmur tugur þeirra hefur komið út á íslensku. Flestar bókanna, sem komið hafa út á íslensku, fjölluðu um tiltekna söguhetju sem var og er kennd við flík eina sem söguhetjan klæðist. Hvað kallast þessi söguhetja Pilkeys? 

2.  Í hvaða landi er borgin Oviedo?

3.  Af einhverjum ástæðum eiga nær allir bestu maraþon-hlauparar heims ættir sínar að rekja til sama landsvæðis á Jörðinni. Hvaða landsvæði er það? Er það Austur-Afríka — Ástralía — Bandaríkin — Karíba-hafið — Mið-Asía — Vestur-Afríka? 

4.  Edward Heath gegndi ákveðnu virðingarembætti á árunum 1970-1974. Hvaða embætti var það?

5.  Á hvaða nesi standa Bessastaðir?

6.  Ómar Ingi Magnússon fékk um áramótin síðustu ákveðna viðurkenningu. Hver var hún?

7.  Vöðvar eru á mörgum vestrænum tungumálum nefndir eftir latneska orðinu „musculus“, samanber enska orðið „muscles“. En hvað þýðir latneska orðið musculus?

8.  Talið er að öflugasti jarðskjálfti á Íslandi á sögulegum tíma hafi orðið 1784. Hvar voru upptök hans? Voru þau ... nálægt Húsavík, undir Kötlu, við Laka, á Reykjanesi eða á Suðurlandi?

9.  Hversu öflugur er skjálftinn talinn hafa verið? Hér má skeika 0,2 til að frá á þeim kvarða sem nú er notaður til að meta jarðskjálfta.

10.  Vilborg Arna Gissurardóttir er helst kunn fyrir ... hvað?

***

Seinni aukaspurning:

Hvað má sjá á myndinni hér að neðan?

***

Svör við aðalspurningum:

1.  Kafteinn Ofurbrók.

2.  Á Spáni.

3.  Austur-Afríku (fyrst og fremst Eþíópíu, Eritreu og Keníu).

4.  Forsætisráðherra Bretlands.

5.  Álftanesi.

6.  Íþróttamaður ársins.

7.  Litla mús.

8.  Á Suðurlandi.

9.  Hann er metinn 7,1 þótt auðvitað sé ekki hægt að segja til um það nákvæmlega. Rétt er þá allt frá 6,9-7,3.

10.  Ferðir á suðurpólinn, Everest og fleiri slík fjöll og þrekraunir ýmsar.

***

Svör við aukaspurningum:

Á efri myndinni er Stu Sutcliffe sem var í Bítlunum skamma hríð en hætti til að gerast málari en dó þá skömmu seinna eftir heilablæðingu, aðeins 21 árs að aldri. Hér er eitt af málverkum hans.

Stúlkan er hins vegar unnusta hans, Astrid Kirchherr, sem var ljósmyndari og tók frægar myndir af Bítlunum og hafði áhrif á stíl þeirra fyrstu misserin.

Á neðri myndinni er HUBBLE sjónaukinn gamalreyndi.