Fyrri aukaspurning:

Málverkið hér að ofan sýnir konu eina sem vissulega á heima í veröld goðsagna og þjóðsagna. Hvað heitir hún?

***

Aðalspurningar:

1.  Muckanaghederdauhaulia heitir allstór landskiki í landi einu. Nafnið þýðir „svínamýri milli tveggja voga“ og er líka stafsett svona: Muiceanach idir Dhá Sháile. Í hvaða landi er þessi Svínamýri?

2.  Hversu margar eru keilurnar í algengustu tegund keiluspils?

3.  Í svartri kómedíu sem frumsýnd var 1998 fjalla leikstjórar myndarinnar, sem eru tveir, um heldur misheppnaðan og seinheppinn mann sem telur sig þó vera snilling í keiluspili, og á við keiluspilið altént sumar af sínum fegurstu stundum. Hvað heitir þessi bíómynd?

4.  Hvar — nokkuð nákvæmlega — er eyjaklasinn St.Kitts & Nevis?

5.  Hvaða Íslendingur stofnaði — eða átti að minnsta kosti mestan þátt í að stofna — þann banka sem nú heitir Kvika banki?

6.  Sá maður var reyndar afreksmaður á allt öðru sviði en bankaviðskiptum. Hvaða svið var það?

7.  Íslensk leikkona hefur mikið leikið í Þýskalandi og var m.a. fastráðin við hið virta Volksbühne leikhús í Berlín í nokkur ár. Hvað heitir leikkonan?

8.  Í hvaða landi er að finna ansi stóra styttu af sfinxinum svokallaða?

9.  Hvað vantar helst á þá styttu?

10.  Árið 1798 kom frægur kall langt að og skoðaði styttuna. Hann staldraði þó ekki lengi við í því landi. Hvaða frægi kall var þetta?

***

Seinni aukaspurning:

Hver er konan hér að neðan?

***

Svör við aðalspurningum:

1.  Á Írlandi.

2.  Tíu.

3.  The Big Lebowski.

4.  Í Karíbahafi.

5.  Margeir Pétursson.

6.  Skák.

7.  Sólveig Arnarsdóttir.

8.  Egiftlandi.

9.  Nefið.

10.  Napóleon Bónaparte.

Napóleon horfist í augu við sfinxinn.Sá sem málaði myndina kom greinilega aldrei til Egiftlands.

***

Svör við aukaspurningum:

Á efri myndinni er Pandóra sem glaptist til að sleppa öllum heimsins hörmungum lausum úr skjóðu sinni eða kistli.

Á neðri myndinni er Mary Robinson fyrrum forseti Írlands.