Þegar talí­banar sneru aftur til valda í fyrra lof­uðu þeir bót og betrun. Þeir sögðu sam­tökin hafa svarið af sér þátt­töku í alþjóð­legri hryðju­verka­starf­semi og sam­tök á borð við al Kaída og íslamska ríkið yrðu upp­rætt í land­inu. Þá myndu konur halda flestum rétt­indum sínum, stúlkur myndu áfram fá að sækja skóla og minni­hluta­hópar í land­inu ekki lengur ofsóttir heldur þeim boðnar stöður í sam­steypu­stjórn.

Fátt eða ekk­ert af þessu hefur gengið eftir. Talí­banar eru að vísu að heyja stríð gegn hryðju­verka­sam­tök­unum sem kenna sig við íslamskt ríki, en þau telja talí­bana­stjórn­ina hafa svikið lit og ekki vera nægi­lega rót­tæk. Hins vegar tókst banda­rísku leyni­þjón­ust­unni nýlega að hafa uppi á leið­toga al Kaída, Aiman al-Zawahiri, í glæsi­villu í fín­asta úthverfi Kabúl, höf­uð­borgar Afganist­ans. 

Hann var að sóla sig á svöl­unum þegar banda­rísk sprengja féll á hann úr dróna en sagt er nánar frá því máli og hnignun al …