Fyrri aukaspurning:

Hvað heitir þetta fjall?

***

Aðalspurningar:

1.  Hvaða vinsæla hljómsveit sendi frá sér plötuna Their Satanic Majesties Request árið 1967?

2.  Hver var þá aðal gítarleikari hljómsveitarinnar?  

3.  Dönsk yfirvöld og sér í lagi forsætisráðherrann hafa nú fengið skömm í hattinn hjá opinberri rannsóknarnefnd í Danmörku vegna framgöngu sinnar í máli sem snerist um ákveðna dýrategund. Hvaða dýr voru það?

4.  En hvað heitir annars forsætisráðherra Danmerkur?

5.  Danskur ráðherra fékk líka skömm í hattinn, og það af enn alvarlegra tagi, þegar hann var dæmdur í fangelsi fyrir fjársvik ýmiss konar 1908. Hann hafði áður annast málefni Íslands. Hvað hét þessi ráðherra?

6.  Hvar á Íslandi er haldin Humarhátíð þessa dagana?

7.  Bjarni Bjarnason stýrir fyrirtæki einu, ansi stóru. Hvaða fyrirtæki er það?

8.  En hver var aftur Bjarni Herjólfsson?

9.  Gríska gyðjan Persefóna var jafnan hálft ár í slagtogi með móður sinni, frjósemisgyðjunni Demetru. En hvar hélt hún sig hinn helming ársins?

10.  Elka Björnsdóttir hét verkakona í Reykjavík sem andaðist aðeins 43 ára 1924. Hvers vegna hefur hún komist í sviðsljósið síðustu misseri?

***

Seinni aukaspurning:

Picasso málaði portrettið hér að neðan. En hver er konan?

***

Svör við aðalspurningum:

1.  The Rolling Stones.

2.  Brian Jones.

3.  Minkar.

4.  Mette Fredriksen.

5.  Alberti.

6.  Höfn í Hornafirði.

7.  Orkuveita Reykjavíkur.

8.  Íslenskur sjómaður sem skoðaði strendur Norður-Ameríku á 10. öld.

9.  Í undirheimum, ríki hinna dauðu.

10.  Vegna merkilegrar dagbókar sem hún hélt og nýlega hefur verið gefin út.

***

Svör við aukaspurningum:

Á efri myndinni er Matterhorn.

Á neðri myndinni er Gertrude Stein rithöfundur.