Félagið sem Jón Gunn­ars­son og eig­in­kona hans stofn­uðu í mars á þessu ári og keypti mán­uði síðar ein­býl­is­hús og lóð­ar­rétt­indi í Garðabæ fyrir 300 millj­ónir, var strax í upp­hafi nefnt eftir göt­unni sem lóðin stendur gegnt; Hraun­prýði. Til­gangur félags­ins var líka þá sagður vera við­skipti með lóðir og bygg­ing fast­eigna. Engu að síður gáfu bæði dóms­mála­ráð­herra og stjórn­ar­for­maður félags­ins til kynna að félagið hafi verið stofnað með eitt­hvað annað í huga en kaup á þessu til­tekna ein­býl­is­húsi og lóð­ar­rétt­indum í Garðabæ. 

Töluðu eins og félagið hafi legið í skúffu

„Við hjónin áttum þetta félag og svo er ákveðið að fara inn í þetta verk­efni með fleiri aðilum og þar með var eign­ar­hald­inu á þessu félagi breytt sem að síðan kaupir þetta land,“ sagði Jón í sam­tali við Stundina fyrir helgi. Þá vís­aði hann sér­stak­lega til þess að búið væri að færa heim­il­is­fang fyr­ir­tæk­is­ins af eigin heim­ili og á heim­ili stjórn­ar­for­manns­ins. …