Fyrri aukaspurning:

Borð fyrir hvaða leik má sjá hér að ofan?

***

Aðalspurningar:

1.  Hvaða fótboltalið hefur oftast unnið Meistaradeild Evrópu í fótbolta karla? (Að meðtöldum Evrópubikarnum sem var undanfari þeirrar keppni.)

2.  Fjórða fjölmennasta borgin í landi einu heitir Dnipro. Í hvaða landi er Dnipro?

3.  Hvaða menntun hefur Dagur B. Eggertsson borgarstjóri í Reykjavík?

4.  Hver skrifaði skáldsöguna Grandavegur 7 fyrir 28 árum?

5.  Hvað heitir skólinn sem rekinn er, eða var altént, á vegum kaþólsku kirkjunnar í Reykjavík?

6.  Otto Wathne hét norskur útgerðarmaður og kaupmaður sem kom undir sig fótunum á tilteknum stað á Íslandi og kom um leið fótunum undir staðinn. Hvaða staður var það?

7.  Hvað heitir hið fræga útlenska hljómplötufyrirtæki sem Víkingur Heiðar Ólafsson píanóleikari hefur gefið út hjá?

8.  Melanie Brown, Emma Bunton, Geri Halliwell, Melanie Chisholm og ... hver?

9.  Phil nokkur Mickelson er afreksmaður í ... hverju?

10.  Í hvaða heimsálfu er ríkið Djibútí?

***

Seinni aukaspurning:

Konurnar hér að neðan kepptu í Eurovision fyrir áratug en fyrir hvaða land?

Og fyrir sérstakt Eurovision-stig: Í hvaða sæti lentu þær?

***

Svör við aðalspurningum:

1.  Real Madrid.

2.  Úkraínu.

3.  Hann er læknir.

4.  Vigdís Grímsdóttir.

5.  Landakot.

6.  Seyðisfjörður.

7.  Deutsche Grammophone.

8.  Victoria Beckham (eða Adams). Þær voru allar í hljómsveitinni Spice Girls.

9.  Golfi.

10.  Afríku.

***

Svör við aukaspurningum:

Á efri myndinni er skrafl-borð.

Á neðri mynd eru Ömmurnar frá Buranovo sem kepptu fyrir Rússland. Þær lentu í öðru sæti.