Fyrri aukaspurning:

Hver málaði auglýsingaplakatið hér að ofan?

***

Aðalspurningar:

1.  Og í framhaldi af því: Hvað kallast dansinn sem konurnar stíga þarna?

2.  Sá dans er alveg sérstaklega tengdur alveg ákveðnum skemmtistað sem heitir ... ?

3.  Eyjahafið heitir innhaf eitt og að því liggja tvö ríki. Hver eru þau?

4.  En svo er til annað Eyjahaf eða Mare Insularum, eins og það er raunar yfirleitt kallað. Hvar er það?

5.  Smjörlíki, sykur, eitt egg, sítrónudropar, hveiti, lyftiduft, mjólk og rúsínur. Hræra saman smörlíki og sykri, bæta egginu útí og því næst öllu hinu. Setja inn í ofn við rúmar 150 gráður í klukkustund og þá kemur út ... hvað?

6.  „Ég mun snúa aftur.“ Þetta er einn frægasti hershöfðingi seinni heimsstyrjaldar sagður hafa látið sér um munn fara þegar hann var hrakinn burt úr landi einu af óvinum. Hvaða landi?

7.  En hvað hét hershöfðinginn?

8.  „Ég mun snúa aftur,“ sagði líka fyrirbrigði eitt í frægri kvikmynd frá 1984. Hvað hét kvikmyndin?

9.  En leikarinn sem sagði þetta svo eftirminnilega?

10.  Securitate var nafnið á einni illræmdustu „öryggislögreglu“ í kommúnistaríkjum Austur-Evrópu á dögum kalda stríðsins. Í hvaða ríki sá Securitate um persónunjósnir, handtökur, pyntingar og morð á stjórnarandstæðingum?

***

Seinni aukaspurning:

Á vesturströnd þessa flóa eru tvær borgir og fyrir tæpri öld var staða annarrar þeirrar afar umdeild. Hvað heitir ríkið sem við sjáum nú þarna umlykja flóann?

***

Svör við aðalspurningum:

1.  Cancan.

2.  Rauða myllan, Moulin Rouge.

3.  Grikkland og Tyrkland.

4.  Á tunglinu.

5.  Jólakaka.

6.  Filippseyjum.

7.  MacArthur.

8.  Terminator.

9.  Arnold Schwarzenegger.

10.  Rúmeníu.

***

Svör við aukaspurningum:

Höfundur plakatsins var Toulouse-Lautrec.

Ríkið á neðri myndinni er Pólland. Borgin áminnsta heitir nú Gdansk en áður Danzig.