Kosningarnar kærðar

Magnús Davíð Norðdahl, odd­viti Pírata í Norð­vest­ur­kjör­dæmi, hefur ákveðið að kæra kosn­ing­arnar í kjör­dæm­inu til kjör­bréfa­nefndar Alþingis og fara fram á svo­kall­aða upp­kosn­ingu sem felur í sér að kosið yrði að nýju í Norð­vest­ur­kjör­dæmi. Karl Gauti Hjalta­son, fram­bjóð­andi Mið­flokks­ins, kærir til lög­reglu.

Kærir kosninguna í Norðvesturkjördæmi
Kærir kosn­ing­una í Norð­vest­ur­kjör­dæmi Magnús Davíð Norðdahl odd­viti Pírata í Norð­vest­ur­kjör­dæmi hefur ákveðið að kæra kosn­ing­arnar í Norð­vest­ur­kjör­dæmi til kjör­bréfa­nefndar Alþingis. Mynd: Heida Helgadottir

Í yfir­lýs­ingu frá Magnúsi Davíð Norðdahl, odd­vita Pírata í Norð­vest­ur­kjör­dæmi, segir að Magnús hafi ákveðið að kæra kosn­ing­arnar í kjör­dæm­inu til kjör­bréfa­nefndar Alþingis og fara fram á svo­kall­aða upp­kosn­ingu sem felur í sér að kosið yrði að nýju í kjör­dæm­inu. „Ljóst er að alvar­legir ágallar voru á taln­ingu atkvæða í Norð­vest­ur­kjör­dæmi,“ segir í yfir­lýs­ing­unni. 

„Kjörgögn voru ekki inn­sigluð eftir lok taln­ingar snemma morg­uns 26. sept­em­ber heldur skilin eftir á Hótel Borg­ar­nesi í sal hót­els­ins þegar
taln­inga­fólk fór heim. Varsla og eft­ir­lit á þeim tíma, sem leið frá
lokum taln­ingar og fram að end­ur­taln­ingu, þegar starfs­fólk mætti aftur
liggur ekki fyrir með full­nægj­andi hætti. Hótelið var opið og þar mátti
sjá gesti þegar end­ur­taln­ing fór fram. Hafi salnum verið læst var hann
ekki inn­sigl­aður og þá liggur ekki fyrir hver eða hverjir höfðu lykla að
umræddum sal,“ segir í yfir­lýs­ing­unni.

Biðu ekki eftir umboðsmönnum

Enn fremur segir Magnús að end­ur­taln­ing atkvæða hafi haf­ist án þess að umboðs­mönnum á lista Pírata í kjör­dæm­inu hafi verið gert við­vart. „Formaður kjör­stjórnar varð síðan ekki við kröfu umboðs­manna að bíða með end­ur­taln­ingu þar til umboðs­menn kæmu á stað­inn.“

Fram­an­greind atriði eru að mati Magnúsar „háal­var­leg“ og „til þess falin að draga úr trú­verð­ug­leika taln­ing­ar­innar, sama hvort litið er til fyrri eða síð­ari taln­ing­ar­innar, starfa yfir­kjör­stjórnar í heild og þar með trú­verð­ug­leika kosn­ing­anna sem fram fóru í kjör­dæm­inu“. 

Endurtekning eina leiðin

Magnús segir ljóst að breyt­ing varð á fjölda ógildra og auðra seðla milli fyrri og síð­ari taln­ingar og sama eigi við um atkvæða­fjölda ein­stakra fram­boða. „Svona vinnu­brögð í lýð­ræð­is­legu ferli kosn­inga og taln­ingar eru algjör­lega óásætt­an­leg.“

Að mati Magnúsar er eina leiðin til að leysa úr þeirri stöðu sem hefur komið upp að end­ur­taka kosn­ing­arnar í Norð­vest­ur­kjör­dæmi og „tryggja gagn­sæi og að farið sé eftir lögum og reglum“. „Það er sann­gjörn og rétt­mæt krafa okkar fram­bjóð­enda og ekki síst kjós­enda í kjör­dæm­inu,“ segir hann.

Karl Gauti kærir líka

Karl Gauti Hjalta­son, sem var í fram­boði fyrir Mið­flokk­inn í Suð­vest­ur­kjör­dæmi, hefur einnig ákveðið að kæra end­ur­taln­ingu atkvæða og með­ferð þeirra í Norð­vest­ur­kjör­dæmi til lög­reglu. Þetta kemur fram í frétt RÚV. 

„Ég er að vinna að kæru til lög­reglu þar sem ég fer fram á að hún upp­lýsi atvik og atburða­rás varð­andi þessa end­ur­taln­ingu þarna í Norð­vestur,“ segir Karl Gauti í sam­tali við frétta­stofu RÚV.

Kjósa
0
Hvernig finnst þér þessi grein? Skráðu þig inn til að kjósa.

Veistu meira?

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.
Tengdar greinar

Kosningar 2021

Mest lesið

1
Innlent

Hætta á að lánin hækki þó íbúða­verð lækki

Már Wolfgang Mixa hag­fræði­pró­fessor segir að stór hluti eigin fjár íbúða­eig­enda gæti þurrkast út á kom­andi mán­uðum. Verð­tryggðar fast­eigna­skuldir hækki í verð­bólgu­tíð sam­hliða því að íbúða­verð gæti lækkað. Hann leggur til að verð­tryggð hús­næð­is­lán fylgi íbúða­verði en ekki vísi­tölu neyslu­verðs. Þá myndu bank­arnir bera hluta áhætt­unnar.

Mest lesið

Mest lesið í vikunni

Mest lesið í mánuðinum

3
Viðtal

Íslenskur læknir varpar nýju ljósi á lífs­hættu­legan með­göngu­sjúk­dóm

Nítján ára gömul lá Silja Rut Ragn­ars­dóttir nær dauða en lífi á skurð­ar­borði Land­spít­al­ans eftir alvar­legt til­felli með­göngu­eitr­unar. Íslenskur vís­inda­maður í Banda­ríkj­unum, Jóhann Elí Guð­jóns­son húð­læknir, leiðir braut­ryðj­andi rann­sóknir sem varpa nýju ljósi á hvers vegna sjúk­dóm­ur­inn kemur fram. Hann telur mögu­legt að þróa lyf við sjúk­dómnum sem bjargað gæti manns­lífum.
6
Viðtal

Ást­leysið er sárt

Nánd er nær­ing, nauð­syn­leg eins og matur. Tæpur helm­ingur fólks elst upp í óör­uggum tengslum sem geta komið niður á tengslum og ást­ar­sam­böndum á full­orð­ins­árum, jafn­vel ógnað heilsu, enda er „tengsla­myndun ein af grunn­for­sendum far­sældar“, að sögn klíníska sál­fræð­ings­ins Guð­brands Árna Ísberg. Í bók sinni, Í augum þínum verð ég til, fjallar hann um getu okkar til að mynda tengsl og ást­ina í öllum sínum myndum.

Mest lesið í mánuðinum

Mest lesið undanfarið ár