Fyrri aukaspurning:

Hvaða dýr sést á myndinni hér að ofan?

***

Aðalspurningar:

1.  Í hvaða landi varð Winston Churchill forsætisráðherra árið 1940?

2.  Hvaða ár lét hann svo af embætti í það sinn?

3.  Hver varð þá eftirmaður hans?

4.  Sólveig Anna Jónsdóttir formaður Eflingar er á lista Sósíalistaflokksins í Reykjavík norður. Hvaða sæti vermir hún?

5.  Guðbjörg Matthíasdóttir heitir kona ein. Hvað fæst hún við í lífinu?

6.  Hvar á Íslandi eru Veiðivötn?

7.  Hvað þýðir orðið „útmánuðir“?

8.  Hversu margir eru Rússar — að Krímverjum meðtöldum? Hér má muna sex milljónum til eða frá.

9.  Í hvaða heimsálfu er ríkið Bhutan?

10.  Karl einn fæddist í Tolcsva í Ungverjalandi 1879. Hann hét Vilmos Fuchs. Hann fluttist úr landi og settist að í Bandaríkjunum þar sem hann stofnaði fyrirtæki. Fyrirtækjareksturinn gekk upp og ofan og árið 1930 missti hann yfirráðin yfir fyrirtæki sínu og var beiskur vegna þess til æviloka 1953. Fyrirtækið hélt hins vegar áfram rekstri, undir sama eða mjög svipuðu nafni og áður, og þótt það gengi gegnum ýmsar hremmingar tók það að vaxa og dafna mjög rétt fyrir aldamótin 2000 þegar ástralskur auðjöfur keypti það. Ein grein fyrirtækisins er nú sú vinsælasta á ákveðnu sviði vestanhafs, en líka verulega umdeild. Hvaða heitir sú grein fyrirtækisins?

*** 

Seinni aukaspurning:

Úr hvaða kvikmynd er þetta skjáskot?

***

Svör við aðalspurningum:

1.  Bretlandi.

2.  1945.

3.  Attlee.

4.  Fjórða.

5.  Útgerð. Líka má svara kaupsýslu.

6.  Vestur af Vatnajökli. Eða á Landmannaafrétti.

7.  Síðustu mánuðir vetrar.

8.  146 milljónir. Rétt er því allt frá 140 til 152.

9.  Asíu.

10.  Fox News.

***

Svör við aukaspurningum:

Dýrið er greifingi.

Bíómyndin er Misery.

***

Og hér fyrir neðan eru hlekkir á fleiri þrautir.