Fæðingartíðnin er ein af þessum stóru samfélagslegu áskorunum sem þarf að horfast í augu við, segir dr. Sunna Símonardóttir félagsfræðingur, sem sérhæfir sig í rannsóknum á móðurhlutverkinu. 

Athygli vakti fyrir nokkru þegar Þorbjörg Sigríður Gunnlaugsdóttir, þingmaður Viðreisnar, ræddi lækkandi fæðingartíðni á Alþingi og hvatti fólk til að „ferðast innan svefnherbergisins“. Ummælin vöktu talsverða umræðu á sínum tíma og sitt sýndist hverjum, sumum þótti óviðeigandi að þingmaður skipti sér af uppáferðum með slíkum hætti.

Sunna segir að slík ummæli séu taktlaus en fagnar tækifæri til að opna umræðuna um lækkandi fæðingartíðni. „Við erum að sjá fæðingartíðnina lækka frá því í fyrra. Nú er hún komin niður í 1,72 en þarf að vera 2,1 til að viðhalda mannfjöldanum til lengri tíma. Vonandi getum við rýnt í hvað nákvæmlega er að gerast í stað þess að leita að einfaldri allsherjar útskýringu,“ segir Sunna.

Svefnherbergisferðalög í þágu ríkiskassans

Fæðingartíðni á Íslandi hefur dregist saman …