Í Stóru mál­unum þessa vik­una verður rætt það ofbeldi sem getur fylgt póli­tískri umræðu, hvort sem í netheimi eða raun­heimi. Bjartmar og Valur fengu til sín þá Ragnar Þór Ing­ólfs­son, for­mann VR og Helga Gunn­laugs­son, afbrota­fræð­ing og pró­fessor við félags­fræði­deild Háskóla Íslands, til að ræða málið. Mikil umræða skap­að­ist, þegar skotið var bíl Dags B. Egg­erts­sonar, borg­ar­stjóra Reykja­vík­ur­borgar, um þá hörðu póli­tísku umræðu sem á sér stað í íslensku sam­fé­lagi. 

Ragnar Þór segir að honum hafi verið ítrekað hótað, bæði í bréfum, tölvu­pósti og sím­tölum. Í eitt skiptið fékk hann sent til sín bréf þar sem honum voru sendar nákvæmar dag­setn­ingar hvenær ætti að taka hann af lífi.

„Það ofbeldi sem kom inn á okkar heim­ili og þær hót­anir, voru mjög alvar­legar. Það var mjög van­stilltur ein­stak­lingur sem við álykt­uðum svo að hann væri að taka út úr mjög harðri orð­ræðu sem hefði átt sér stað í aðdrag­anda lífs­kjara­samn­ing­anna. Hann not­aði orð í bréfum, sem komu úr umræð­unni, sem hann kom með á heim­ilið okkar. Ég get sagt ykkur það að það voru dag­settar aftökur á mig per­sónu­lega í bréf­inu sem við fengum. Fyrst var þetta póst­lagt, en síðar var ein­stak­ling­ur­inn far­inn að koma með þau í eigin per­sónu að heim­il­inu mínu, þá létum við fag­að­ila í málið. Þetta var mjög veikur ein­stak­lingur og lög­reglan tók á þessu og hann fær vænt­an­lega við­eig­andi hjálp og aðstoð.“

Þáttinn í heild sinni má sjá hér að ofan.