Frumvarp til breytinga á sóttvarnarlögum lagt fyrir Alþingi á næstunni

Svandís Svav­ars­dóttir, heil­brigð­is­ráð­herra, fól sér­stökum starfs­hópi að skýra ákvæði laga um opin­berar sótt­varna­ráð­staf­anir til þess svo að leggja fram frum­varp um breyt­ingar á lögum um sótt­varnir. 

Ráðherra kynnti frum­varpið fyrir rík­is­stjórn í vik­unni og hyggst leggja það fyrir Alþingi á næst­unni. 

Starfs­hóp­ur­inn nýtti sér álits­gerð Páls Hreins­sonar um vald­heim­ildir sótt­varna­læknis og heil­brigð­is­ráð­herra til opin­berra sótt­varna­ráð­staf­ana í ljósi meg­in­reglna stjórn­sýslu­réttar og mann­rétt­inda­á­kvæða. Álits­gerð­ina vann Páll að beiðni stjórn­valda. 

Helstu breyt­ingar á lögum um sótt­varnir sem starfs­hóp­ur­inn lagði til eru meðal ann­ars að orð­skýr­ingar skulu fylgja með helstu hug­tökum er varða sótt­varnir eins og sam­komu­bann, sótt­kví og ein­angrun. Að skýrt verði kveðið á um að sótt­varna­ráð skuli vera ráð­gef­andi við stefnu­mótun og að hlut­verk þess skarist ekki við hlut­verk sótt­varna­læknis. Skýrt verði kveðið á um að sótt­kví, stöðvun atvinnu­rekst­urs og útgöngu­bann séu hluti af opin­berum sótt­varna­ráð­stöf­unum og að kveðið verði á um með­ferð máls fyrir dómi ef ein­stak­lingi er gert að sæta ein­angrun eða sótt­kví gegn vilja sínum. 

Endurskoða stjórnsýslu sóttvarnamála

Starfs­hóp­ur­inn sagði þörf á því að end­ur­skoða stjórn­sýslu sótt­varna­mála. End­ur­skoða þyrfti að sótt­varna­læknir sé starfs­maður emb­ættis land­læknis en ekki skip­aður af heil­brigð­is­ráð­herra þrátt fyrir þær umfangs­miklu vald­heim­ildir sem sótt­varna­læknir hefur sam­kvæmt núver­andi sótt­varna­lögum.

Þá var það einnig mat starfs­hóps­ins að lítið sem ekk­ert sé fjallað um hlut­verk helstu heil­brigð­is­stofn­ana lands­ins í far­sóttum, þá einkum Land­spít­ala.