***
Fyrri aukaspurning:
Hvað kallast sú ofurhetja sem sést á myndinni hér að ofan?
***
Aðalspurningar, 10 af öllu tagi:
1. Örlítil eðlisfræði: Eftir því sem best er vitað nú um stundir eru það fjórir kraftar sem sjá um að halda hlutum saman, jafnt smæstu öreindum sem hinum stærstu hlutum alheimsins. Rafsegulkraftur heitir einn, veiki kjarnakrafturinn annar og sá þriðji er sterki kjarnakrafturinn. En hvað heitir sá fjórði og síðasti?
2. Þann 14. apríl 2010 hófst mikið eldgos í Eyjafjallajökli og stóð alls í 39 daga. Daginn áður en gosið hófst, þá lauk hins vegar mun minna eldgosi sem hafði hafist þann 20. mars. Hvar varð þetta litla gos?
3. Hvaða rithöfundur skrifaði bækurnar Afdalabarn, Hrundar vörður; Sæla sveitarinnar, Þar sem brimaldan brotnar, Römm er sú taug, Ölduföll, Svíður sárt brenndum, Á ókunnum slóðum, Í heimahögum, Stýfðar fjaðrir, Hvikul er konuást, Sólmánaðardagar í Sellandi, Dregur ský fyrir sól, Náttmálaskin, Gulnuð blöð og Utan frá sjó?
4. Hvað heitir eiginmaður Bretadrottningar?
5. Hvaða fljót fellur um Rómaborg?
6. Í hvaða hluta mannslíkams er „drekinn“ eða „hippocampus“?
7. Hvar voru vetrarólympíuleikarnir haldnir árið 2018?
8. Margrét Lára Viðarsdóttir hefur skorað langflest mörk (79) fyrir íslenska kvennalandsliðið í fótbolta. Í öðru sæti er öflugur miðjuspilari sem leikið hefur víða á alllöngum ferli, bæði hér og erlendis, þar á meðal á Norðurlöndunum og í Bandaríkjunum. Hún er nú hætt með landsliðinu svo mörkin hennar 37 verða ekki fleiri. Hvað heitir hún?
9. Hvað hét fyrsti maðurinn sem fór út í geiminn?
10. Teiknimyndaserían The Simpsons er sú sjónvarpssería vestanhafs sem lengst hefur gengið og er raunar enn í gangi. Í næstu sætum eru tvær útgáfur Law and Order, og svo kabbojaþátturinn Gunsmoke. Í fimmta sæti er aftur sería sem gekk í 19 og þar var dýr í aðalhlutverki. Hvað hét það dýr?
***
Og seinni aukaspurningin:
Hvað heita þessi hjón?
***
Svör við aðalspurningum:
1. Þyngdarkrafturinn, öðru nafni aðdráttaraflið.
2. Á Fimmvörðuhálsi.
3. Guðrún frá Lundi.
4. Filippus.
5. Tíber.
6. Í heilanum.
7. Pyeongchang eða Pjongjang.
8. Hólmfríður Magnúsdóttir.
9. Júrí Gagarín.
10. Lassie, og var hundur.
***
Svör við aukaspurningum:
Myndin efst sýnir ofurhetjuna Svarta hlébarðann eða Black Panter, sem Chadwick heitinn Boseman þótti túlka eftirminnilega.
Neðri myndin sýnir aftur á móti Mikhaíl Gorbatsjov, síðasta leiðtoga Sovétríkjanna, og Raísu eiginkonu hans.
Á myndinni hér að neðan má sá þau ögn síðar á ævinni og við eitthvert alvarlegra tilefni.
***
Spurningaþrautin
Fyrri grein
141. spurningaþraut: Landlukt lönd og ofurhetjur, og margt fleira
Næsta grein
Athugasemdir