Hérna, á þessum link, er að finna þrautina frá því í gær.
Fyrri aukaspurningin er þessi:
Í hvaða borg er myndin hér að ofan tekin?
En aðalspurningarnar 10 af öllu tagi eru þessar:
1. Hvað heita fastir umsjónarmenn þáttarins Harmageddon á útvarpsstöðinni X-inu? Fornöfn þeirra duga í þetta sinn.
2. Í mars árið 453 gerðist það meðal annars að Atli Húnakonungur gekk í hjónaband með ungri stúlku sem Ildiko hét. Til tíðinda var talið að á brúðkaupsnóttinni gerðist nokkuð merkilegur atburður í lífi Atla. Hvað var það?
3. Í hvaða ríki Jarðar er morðatíðni hæst, hlutfallslega?
4. Það má koma fram að ríkið, sem átt er við hér að ofan, er ekki í Evrópu. En í hvaða Evrópuríki er morðatíðni hæst samkvæmt tölum frá 2018?
5. Hvað hét besta vinkona Tomma og Önnu?
6. Árið 1957 var frumsýnd í Bandaríkjunum kvikmyndin The Three Faces of Eve þar sem leikkonan Joanne Woodward lék Evu nokkra sem þjáðist af dularfullum sjúkdómi, sem þá hafði nýlega uppgötvast. Eða hvað? Er þessi sjúkdómur kannski ekki til? Af hverju þjáðist Eva bíómyndarinnar?
7. Hversu löng er stysta leið eftir þjóðveginum frá miðbæ Reykjavíkur til miðbæjar Akureyrar? Hér má skeika 12 kílómetrum til eða frá.
8. Með hvaða handboltaliði leikur Aron Pálmarsson?
9. Hver var fyrsta konan sem varð ráðherra á Íslandi?
10. Hvað hét hljómborðsleikari hinnar frægu hljómsveitar Sykurmolanna? Hún var reyndar ekki í hljómsveitinni alveg frá byrjun.
Og seinni aukaspurning:
Hver þessi karl? Þess má geta að hann var ekki orðinn alveg svona grár þegar hann kom hingað til lands fyrir 44 árum og vann hér ákveðið afrek, já, gott ef hann setti ekki bara heimsmet.
Þá koma svör:
1. Frosti og Máni.
2. Atli dó.
3. El Salvador.
4. Rússlandi.
5. Lína langsokkur.
6. Margklofnum persónuleika, að sögn. Athugið að „geðklofi“ er allt annað fyrirbæri og því EKKI rétt svar.
7. Leiðin mun vera 388 kílómetrar, svo rétt telst vera allt frá 376 til 400.
8. Barcelona.
9. Auður Auðuns.
10. Margrét Örnólfsdóttir.
Svar við fyrri aukaspurningu:
Þessi er mynd er tekin í London.
Hér er hún öll til hliðar.
Svar við seinni aukaspurningu.
Þetta er þýski skákjöfurinn Vladimil Hort, sem kom hingað til lands 1977 og tefldi skákeinvígi við fyrrum heimsmeistara Boris Spassky.
Þá tefdi Hort raunar undir fána Tékkóslóvakíu, enda fæddur í Kladno (nú í Tékklandi).
Eftir að hafa tapað einvíginu naumlega tefldi Hort fjöltefli mikið við Íslendinga, og mun það hafa verið heimsmet á sínum tíma hvað snerti fjölda þátttakenda.
Spurningaþrautin
Fyrri grein
121. spurningaþraut: „Því að Esjan er falleg, en ekki fallegri en þú“
Næsta grein
Athugasemdir