115. spurningaþraut: Hér er til dæmis spurt um fornafn inspectors Morse, og fleira!

Hér er nú fyrst þrautin frá í gær.

Smellið á linkinn!

En því næst fyrri auka­spurn­ingin:

Útlínur hvaða ríkis sjáum við hér að ofan?

(Því miður sjást útlín­urnar ekki allar í snjall­símum, vegna lög­unar þeirra. En þið giskið bara!)

Aðal­spurn­ing­arnar eru:

1.   Lemúrar eru fjar­skyldir ætt­ingjar okkar manna. Þeir búa aðeins á einum afmörk­uðum stað á Jörðinni. Hvar er sá staður?

2.   Síðari heims­styrj­öldin hófst með inn­rás Þjóð­verja í Pólland en um leið gerði þýskt orr­ustu­skip árás á pólskt virki í borg einni, sem var bit­bein Pólverja og Þjóð­verja. Hvað hét borgin þá?

3.   „Út um kaldan eyðisand, / einn um nótt ég sveima ...“ Hvernig eru næstu tvær línur þess­arar vísu?

4.   Í hvaða landi eru fót­boltaliðin Boca Juniors og Newell's Old Boys?

5.   Hvaða íslenski rit­höf­undur skrif­aði skáld­sög­una Hjarta­staður?

6.   Hver syngur lagið „Where the Wild Roses Grow“ með söngv­ar­anum Nick Cave?

7.   Hvaða emb­ætti gegnir Christine Legarde núna?

8.   Frá hvaða landi var söngskáldið Leonard Cohen?

9.   Breski leik­ar­inn John Thaw sló í gegn á sínum tíma sem heldur þung­brýndur rann­sókn­ar­lög­reglu­maður í Oxford sem hét Morse. Þætt­irnir um Morse gengu í mörg ár við miklar vin­sældir. Morse var svo­lítið sér­lund­aður og vildi til dæmis ekki fyrir nokkurn að það kæm­ist upp hvað hann héti að for­nafni. Sá mikli leynd­ar­dómur upp­lýst­ist ekki fyrr en eftir að bæði per­sónan Morse og leik­ar­inn Thaw voru dánir, en þá hófst ný sjón­varps­s­ería, með öðrum leik­ara sem fjall­aði um hinn unga Morse leysa erfið saka­mál kringum 1970. Þeir þættir ganga enn og heiti þeirra er einmitt for­nafnið sem Morse vildi ekki upp­lýsa. Hvaða þættir eru þetta?

10.   Og loks: Í partíi hjá hverjum ég stóla á að ég lendi?

Seinni auka­spurn­ingin:

Hér á mynd­inni að neðan má sjá splunku­nýtt flug­véla­móð­ur­skip, sem er ein­stakt í sinni röð að útliti og hönnun, með þessa tví­skiptu yfir­bygg­ingu, sem er t.d. gjör­ó­líkt hinni klass­ísku hönnun banda­rískra flug­móð­ur­skipa. Hvaða þjóð hefur nú sent þetta skip á sjó?

 Hér eru svörin svo:

1.   Á Madaga­skar.

2.   Danzig.

3.   „Nú er horfið Norð­ur­land, / nú á ég hvergi heima.“

4.   Argent­ínu.

5.   Steinunn Sig­urð­ar­dóttir.

6.   Kylie Minogue.

7.   Hún er for­stjóri Evrópska seðla­bank­ans.

8.   Kanada.

9.   Endeavour.

10.   Stínu stuð. (Hér er vitnað til texta lags­ins „Út á stoppi­stöð“ með Stuð­mönnum.)

Auka­spurn­ingar:

Ríkið er Kúba.

Skipið er BRESKA flug­véla­móð­ur­skipið HMS Queen Elizabeth.

Og hér er link­ur­inn frá í gær aftur, ef þið mis­stuð af honum hér að ofan.