Hér er þrautin síðan í gærdag.
Aukaspurning sú hin fyrri:
Úr hvaða bíómynd er skjáskotið hér að ofan?
Aðalspurningar tíu:
1. Hvaða ríki í nútímanum samsvaraði hið gamla menningar- og siglingaríki Fönikía?
2. Auður er þeirrar sérkennilegu náttúru að orðið er í karlkyni en hefur verið notað sem kvenmannsnafn frá landnámsöld. Nú hefur ungur tónlistarmaður af karlkyni tekið sér orðið sem listamannsnafn. En hvað heitir tónlistarmaðurinn Auður í þjóðskránni? Hér dugar skírnarnafn.
3. Hvaða ár varð Ísland fullvalda ríki?
4. Margrét 2. Danadrottning ber eitt íslenskt nafn vegna þess að þegar hún fæddist voru Íslendingar enn í konungssambandi við Dani. Hvað er hennar íslenska nafn?
5. Hvaða þjóð hefur oftast orðið heimsmeistari í fótbolta kvenna?
6. Halastjörnur virðast bókstaflega brenna þar sem þær skjótast til og frá sólinni utan úr óravíðáttum geimsins. En úr hverju eru þær að stærstum hluta?
7. Grikkir höfðu viskugyðjuna Aþenu í miklum hávegum en samsvarandi gyðja í hinni rómversku goðafræði var ekki alveg eins mikils metin. En hvað hét hin rómverska viskugyðja?
8. Hvað hét sú dóttir Egils Skallagrímssonar sem gabbaði hann upp úr mestu sorg sinni eftir að hann missti tvo syni sína?
9. Hvaða þéttbýlisstaður er í Grýtubakkahreppi austan Eyjafjarðar?
10. Í hvaða heimsálfu er ríkið Túvalú?
Síðari aukaspurning:
Hver er þetta?
Svörin eru þessi:
1. Líbanon.
2. Auðunn.
3. 1918.
4. Þórhildur.
5. Bandaríkjamenn.
6. Ís. Það mætti rökstyðja að rétt svar væri líka „ryk“ en aðalmálið er að þær eru gaddfreðnar, svo ís verður að fylgja í svarinu.
7. Mínerva.
8. Þorgerður.
9. Grenivík.
10. Eyjaálfu.
Svör við aukaspurningum:
Skjáskotið er úr bíómyndinni A Clockwork Orange eftir Stanley Kubrick.
Karlinn á neðri myndinni er Hermann Jónasson forsætisráðherra Íslands.
Spurningaþrautin
Fyrri grein
113. spurningaþraut: Í hvaða bók koma þeir fyrir, Queequeg, Tashtego, Daggoo og Fedallah?
Næsta grein
Athugasemdir