Þessi grein birtist upphaflega í Stundinni fyrir meira en 5 árum.

Ungmenni mótmæla brottvísun barna: Einn bangsi fyrir hvert barn sem sent var burt

Bangs­ar biðu þing­manna fyr­ir fram­an nefnda­svið Al­þing­is í morg­un, bangs­ar sem tákna börn sem send voru burt og neit­að um al­þjóð­lega vernd á Ís­landi. Ung­menna­ráð UNICEF stóð fyr­ir mót­mæl­un­um, sem áttu að vekja sam­visku­bit eða sekt­ar­kennd hjá þing­mönn­um.

Ungmenni mótmæla brottvísun barna: Einn bangsi fyrir hvert barn sem sent var burt
Vöktu athygli Mótmælin vöktu athygli þingmanna og gesta og gangandi. Hér er Ólafur Þór Gunnarsson, þingmaður Vinstri grænna og varaformaður velferðarnefndar Alþingis, á leið framhjá gjörningnum.

Í morgun mættu þingmenn óvenjulegum gestum á leið til vinnu, en fyrir framan nefndasvið Alþingis sátu 75 tuskudýr. Talan var ekki valin af handahófi. Hver bangsi táknar barn, sem hafnað var landvistarleyfi árið 2019, samkvæmt lögum um útlendinga. Gerður Ævarsdóttir, varaforseti Ungmennaráðs UNICEF á Íslandi, telur útlendingalögin ekki hafa mannúðarsjónarmið í forgrunni.

Gerður er tvítugur nýstúdent, og hefur tekið þátt í starfi Ungmennaráðsins síðastliðin tvö ár. Ungmennaráðið er hópur ungs fólks sem vinnur náið með starfsfólki UNICEF á Íslandi að fræðslu og framkvæmd Barnasáttmála Sameinuðu þjóðanna. Samtökin hafa ítrekað gagnrýnt brottvísanir flóttabarna og bent á að aðstæður í viðtökulöndum séu langt frá því að uppfylla staðla um mannsæmandi lífsskilyrði.

75 börn75 börnum var neitað um landvistarleyfi á Íslandi á síðasta ári. Hér horfir Vilhjálmur Árnason, þingmaður Sjálfstæðisflokksins, á tuskudýrin sem tákna börnin.

Óar við frumvarpi ráðherra

Innsetning bangsanna er hluti af táknrænum mótmælum Ungmennaráðsins gegn framkvæmd stjórnvalda. Framkvæmdin byggir ekki á lagaskyldu af neinum toga, og brýtur gegn upphaflegum tilgangi Dyflinnarreglugerðarinnar, sem var að dreifa ábyrgð á flóttafólki um Evrópu, en íslensk stjórnvöld nota almennt til að réttlæta endursendingar viðkvæmra hópa. Bangsanir halda á skiltum þar sem stendur meðal annars með rithendi barns: „Áslaug Arna, er þér sama um réttindi barna?“

„Áslaug Arna, er þér sama um réttindi barna?“

Ungmennaráðinu óar við yfirvofandi þrengingum á réttindum hælisleitenda. Frumvarp dómsmálaráðherra myndi gera stjórnvöldum skylt að hafna umsókn þeirra, óháð aldri og möguleikum viðkomulanda til að uppfylla ákvæði alþjóðalaga um grundvallarréttindi barna, til dæmis frið, fjölskyldu, skólagöngu og vernd gegn hvers kyns ofbeldi, en börn í yfirfullum flóttamannabúðum eru afar berskjölduð fyrir vændi og vinnuþrælkun.

Börn sem þurftu á aðstoð að halda

Gerður ÆvarsdóttirGerður er varaformaður Ungmennaráðs UNICEF á Íslandi, sem stóð fyrir mótmælunum.

Samkvæmt Gerði á aðgerðin að veita alþingismönnum tengingu við málaflokkinn. „Þetta eru ekki bara tölur á blaði, heldur raunveruleg börn, sem þurftu á hjálp okkar að halda.“ Afdrif endursendra barna eru yfirleitt óljós vegna takmarkaðra samskiptatækifæra, en árið 2018 birtu tengiliðir flóttafjölskyldu, sem endursend var til Þýskalands, almenningi myndir af tveimur smábörnum sem neyddust til að dvelja í skóglendi um hávetur.

 „Bangsarnir og skiltin eiga að vekja alþingismönnum samviskubit, ef ekki hreinlega sektarkennd“

Gerður segir aðgerðinni beint að allsherjar- og menntamálanefnd Alþingis, sem ber ábyrgð á málaflokknum. „Bangsarnir og skiltin eiga að vekja alþingismönnum samviskubit, ef ekki hreinlega sektarkennd. Hvað hefðu þau getað gert til að stöðva brottvísanir? Hver ber ábyrgðina? Alþingi setur vissulega lögin, en það er hlutverk okkar allra að vera á verði og vernda börn, sama hvaðan þau koma.“ 

Fyrir utan nefndarsviðBöngsunum var komið fyrir fyrir utan nefndarsvið Alþingis. Hér má sjá Lilju Rafneyju Magnúsdóttur, þingkonu Vinstri grænna, á leið framhjá.
Gengið framhjáBrynjar Níelsson, þingmaður Sjálfstæðisflokksins, gengur inn á nefndasvið og framhjá böngsunum.

Kjósa
0
Hvernig finnst þér þessi grein? Skráðu þig inn til að kjósa.

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.

Mest lesið

Mest lesið

Mest lesið í vikunni

Presturinn þurft að ýta ferðamönnum út úr kirkjunni
5
FréttirFerðamannalandið Ísland

Prest­ur­inn þurft að ýta ferða­mönn­um út úr kirkj­unni

Jó­hanna Magnús­dótt­ir, prest­ur í Vík­ur­kirkju, seg­ir dæmi um að er­lend­ir ferða­menn reyni að kom­ast inn í kirkj­una til að taka mynd­ir skömmu áð­ur en kistu­lagn­ing fer fram. Hún hafi þurft að breyta sér í dyra­vörð íklædd­an hempu til að ýta þeim ágeng­ustu út úr kirkj­unni. Björg­un­ar­sveit­in í Vík hef­ur um þriggja ára skeið séð um að loka veg­in­um upp að kirkj­unni með­an út­far­ir fara þar fram.

Mest lesið í mánuðinum

Hann var búinn að öskra á hjálp
2
Viðtal

Hann var bú­inn að öskra á hjálp

Hjalti Snær Árna­son hvarf laug­ar­dag­inn 22. mars. For­eldr­ar hans lásu fyrst um það í frétt­um að hans væri leit­að í sjón­um, fyr­ir það héldu þau að hann væri bara í göngu­túr. En hann hafði lið­ið sál­ar­kval­ir, það vissu þau. Móð­ir Hjalta, Gerð­ur Ósk Hjalta­dótt­ir, lýs­ir því hvernig ein­hverf­ur son­ur henn­ar gekk á veggi allt sitt líf, og hvernig hann veikt­ist svo mik­ið and­lega að þau voru byrj­uð að syrgja hann löngu áð­ur en hann var dá­inn.
Ferðamenn hafi þrengt sér „inn í það allra helgasta“
6
ViðtalFerðamannalandið Ísland

Ferða­menn hafi þrengt sér „inn í það allra helg­asta“

Börn manns sem var jarð­að­ur frá Vík­ur­kirkju í júní segja að ís­lensk­ur rútu­bíl­stjóri hafi hleypt tug­um ferða­manna út úr rútu við kirkj­una um klukku­stund fyr­ir at­höfn. Ferða­menn hafi tek­ið mynd­ir þeg­ar kist­an var bor­in inn fyr­ir at­höfn, reynt að kom­ast inn í kirkj­una og tog­að í fán­ann sem var dreg­inn í hálfa stöng.

Mest lesið í mánuðinum

Nýtt efni

Mest lesið undanfarið ár