Aukaspurningar eru eins og venjulega um myndirnar tvær.
Í hvaða borg er myndin að ofan tekin?
Hvað heitir pastategundin sem sést á neðri myndinni?
1. Hver sér um viðtalsþáttinn Segðu mér á Ríkisútvarpinu?
2. Hvaða starfi gegndi Kristján Eldjárn áður en hann varð forseti Íslands 1968?
3. Í hvaða landi voru Zóróaster-trúarbrögðin upprunnin?
4. Þýska bílafyrirtækið Porsche framleiddi fyrsta tvinn-bílinn, sem knúinn var bæði rafmagni og bensíni. Hvaða ár var það? Hér má skeika fimm árum.
5. Hvað hét bróðir Símonar Péturs, lærisveins Jesúa frá Nasaret, sá er einnig var í hópi postulanna tólf, samkvæmt Biblíunni?
6. Hver er fyrsti þingmaður Reykjavíkurkjördæmis suður?
7. Tónlistarmaðurinn Drake er einn sá vinsælasti í heimi rapps, hipphopps og þess háttar tónlistar. Þekktastur er hann kannski fyrir lögin God's Plan eða One Dance. Í hvaða landi er Drake fæddur?
8. Hachikō nokkur var ekki nema 11 ára þegar hann lést en honum hafa verið reistar styttur í Japan, árleg hátíð er haldin honum til heiðurs og sérstök tegund af litlum rútum er nefnd eftir honum. Hver var Hachikō?
9. Hversu lengi er ljós að meðaltali að ferðast frá Sólinni til Jarðar? Hér má skeika 20 sekúndum?
10. Litla-Hraun var aðal fangelsi Íslands í áratugi, en hefur nú verið leyst af hólmi. Hvað nefnist nýja fangelsið?
1. Sigurlaug Margrét Jónasdóttir.
2. Þjóðminjavörður.
3. Persíu.
4. Það var árið 1906, svo rétt er allt frá 1901 til 1911.
5. Andrés.
6. Sigríður Á. Andersen.
7. Kanada.
8. Hundur.
9. 8 mínútur og 20 sekúndur, svo rétt er allt frá 8 mínútum til 8 og 40.
10. Fangelsið að Hólmsheiði.
Aukaspurningarnar:
Borgin er vitanlega Aþena, og pastategundin heitir ravioli.
Hér er svo þrautin frá í gær.
Athugasemdir