Úr hvaða kvikmynd er skjámyndin hér að ofan?

Og krakki er á myndinni hér örlítið neðar?

Þetta eru aukaspurningarnar, en þær tíu venjulegu eru þessar:

1.   Rétt fyrir Covid-19 lokun samfélagsins hafði Borgarleikhúsið náð að frumsýna söngleik um Bubba Morthens. Hver samdi og leikstýrði þeim söngleik?

2.   Adolf Hitler hét maður. En hvað hét faðir hans - þá meina ég að fornafni?

3.   Annar Adolf hét Eichmann og var líka nasistasvín. Hann bar persónulega ábyrgð á dauða fjölda Gyðinga. Árið 1960 var Eichmann gómaður af Ísraelsmönnum eftir að hafa farið huldu höfði frá lokum seinni heimsstyrjaldar. Hann var síðan leiddur fyrir ísraelskan rétt og dæmdur til dauða. En í hvaða landi var Eichmann handtekinn af Ísraelsmönnum?

4.   Hvað hét fyrsta konan sem settist á Alþingi?

5.   Hvað heitir höfuðborg Sádi-Arabíu?

6.   Í bók nokkurri kemur fyrir Séra-Guðmundar-kynið. Hvaða kyn er það?

7.   Hvað hét þriðja og síðasta plata hljómsveitarinnar Nirvana?

8.   Páll postuli er í heimildum sagður vera frá borginni Tarsus. Í hvaða ríki er hún núna?

9.   Hver skrifaði bókina um Múmínálfana?

10.   Við hvað fékkst Anna Akhmatova í lífinu?

Og hér eru svörin:

1.   Ólafur Egill Egilsson.

2.   Alois.

3.   Argentínu.

4.   Ingibjörg H. Bjarnason.

5.   Ríad.

6.   Fjárkyn, úr skáldsögu Halldórs Laxness, Sjálfstæðu fólki.

7.   In Utero.

8.   Tyrklandi.

9.   Tove Jansson.

10.   Hún var ljóðskáld. Rithöfundur dæmist því líka vera rétt.

Hér eru svörin við aukaspurningunum:

Interstellar - hét bíómyndin.

Angela Merkel - krakkinn.

Hérna er svo næsta spurningaþraut á undan.