Arion banki spáir því að vísitala neysluverðs lækki um 0,3% milli mánaða í júlí. Þetta kemur fram í nýjum markaðspunkti greiningardeildar bankans í dag.
Verðlækkunin er að mestu leyti vegna lægra verðs á fötum og skóm, en sumarútsölur eru í gangi í mörgum fataverslunum nú líkt og síðustu ár. Gangi spáin eftir mun ársverðbólgan standa í 1,6%. Enn fremur spáir greiningardeildin áframhaldandi verðlækkun á eldsneyti, mat og drykk ásamt tómstundum og menningu, en að lækkun verði töluvert minni en í síðasta mánuði.
[adspot]
Fasteignaliður vísitölunnar er sem áður drifkraftur verðbólgu, en einnig er talið að flugfargjöld til útlanda muni hækka töluvert í mánuðinum. Talið er að hægja muni á hækkunum á húsnæðisverði næstu mánuðina, en greiningardeildin telur að framboð íbúða sé að aukast þar sem húsnæðisauglýsingum hefur byrjað að fjölga aftur.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
verðlag
Samgöngukostnaður hvergi hærri í Evrópu en á Íslandi
Verð á hveiti hækkað um 40 prósent á hálfu ári
Verð á matvöru hefur hækkað um rúmlega 13 prósent á tveimur árum
Athugasemdir