Hún fædd­ist á Flateyri og bjó þar fyrstu sex árin.

„Mamma, Erla Ásgeirs­dóttir, var mikil sauma­kona, kenndi sauma­skap og á sauma­vélar. Pabbi, Baldur Sveins­son, fór í upp­skipun eða beitti, ann­ars var hann kenn­ari eins og pabbi hans. Föðurafi minn, Sveinn Gunn­laug­son, var skóla­stjór­inn í pláss­inu. Hann kenndi mér að elska almanna­trygg­ing­arnar og vök­u­lögin.

Föð­ur­amma mín, Sigríður Oddný Bene­dikts­dóttir, var hörku­kona og var for­maður kven­fé­lags­ins á staðnum um ára­bil. Ragna, dóttir hennar, tók upp merki hennar og kenndi mér meðal ann­ars um verk­efni kvenna­hreyf­ing­ar­innar og aðstoð­ina við fátæku börnin inni í sveit.“
Ákveðið var að flytja til Reykja­víkur árið 1960. Sigríður Lillý var þó á Flateyri á sumrin hjá afa sínum og Önnu, seinni konu hans, og fór að vinna þar í fiski á sumrin þegar hún var ung­lingur. Stundum gekk hún í hús í bænum og seldi tíma­ritið 19. júní fyrir Rögnu sem þá var orðin for­maður kven­fé­lags­ins.

„Við vorum mörg á mennta­skóla­árunum í Reykja­vík í stans­lausri upp­reisn gegn ríkj­andi gildum og rifum kjaft. Ég þurfti því að sætt­ast við ansi marga kenn­ara mína í menntó þegar ég haustið eftir stúd­ents­prófið varð sam­kenn­ari þeirra og deildi með þeim kenn­ara­stof­unni.“

Eðlisfræðin og stærðfræðin

Hún teikn­aði og mál­aði og dreymdi um að verða mynd­list­ar­maður. Stærð­fræði og eðl­is­fræði voru hins vegar upp­á­halds­fögin og var henni ráðið frá því að fara inn á óvissu­brautir mynd­list­ar­innar. „Mynd­listin hefur þó