Icelandair ræður ekki flugfreyjur eða flugþjóna sem eru eldri en 35 til starfa hjá flugfélaginu. Kvennablaðið greindi frá þessu í gær. Í fréttinni er jafnframt birt bréf þar sem umsækjanda í starf flugfreyju/flugþjóns er hafnað á grundvelli þess að hann uppfyllir ekki þann aldursramma sem getið var um í auglýsingunni, en í henni stóð að umsækjendur skyldu vera fæddir árið 1980 eða síðar. Ljóst er að aldurstakmarkið á við karla jafnt sem konur. 

„Við höfum ákveðin aldursmörk, líkt og gert hefur verið við ráðningar undanfarin ár, til þess að halda nokkuð jafnri aldursdreifingu í þessum fjölmenna hópi. Mörg hundruð flugfreyja og flugþjóna okkar eru að sjálfsögðu fædd fyrir 1980 og hafa mikla og góða reynslu til að miðla til þeirra yngri,“ segir Guðjón Arngrímsson, upplýsingafulltrúi Icelandair, í svari við fyrirspurn Stundarinnar. 

Markmiðið að yngja í flugfreyjuhópnum

Árið 2011 greindi Vísir frá því að nýjar flugfreyjur hjá Icelandair mættu ekki vera eldri en 30 ára. Líkt og í dag var markmiðið að yngja í flugfreyjuhópnum. Sama ár ræddi DV við Jenney Sigrúnu Halldórsdóttur, 38 ára gamla konu, sem hafði nýverið lokið tveggja anna flugþjónustunámi í Flugakademíu Keilis. Hún komst hins vegar að því, áður en hún tók lokapróf hjá Icelandair, að hún væri of gömul til að fá vinnu út á námið. 

Sjá einnig: Salka Sól vill ekki skylda flugfreyjur til að vera í hælaskóm

Þorgerður Einarsdóttir, prófessor í kynjafræði, segir algengara í hefðbundnum kvennastéttum að leitast sé við að ráða ungar konur, fremur en þær eldri. Konur séu í yfirgnæfandi meirihluta hlutgerðar og