Fjölgun erlendra ferðamanna sem koma hingað til lands hefur verið á bilinu 18 til 24 prósent á hverju ári frá 2010 og verður árið í ár líklega fyrsta árið þar sem yfir milljón ferðamenn koma til landsins. Ragnheiður Elín Árnadóttir, iðnaðar- og viðskiptaráðherra, sagði í viðtali fyrr á árinu að Íslendingar hefðu verið „teknir í bólinu“ og að innviðir ferðaþjónustunnar hefðu ekki verið byggðir upp í samræmi við þessa hröðu fjölgun. Nú sé því tími framkvæmda.
Á kjörtímabilinu hefur Ragnheiður Elín lagt fram tvö umdeild frumvörp í málaflokknum sem bæði liggja nú hjá atvinnuveganefnd. Lítið hefur hins vegar verið um framkvæmdir hjá framkvæmdavaldinu á meðan mikill tími hefur farið í kortlagningu og stefnumótun. Í síðasta mánuði var til að mynda kynnt ný ferðamálaáætlun, Vegvísir í ferðaþjónustu, sem gildir til ársins 2020. Bar þar hæst stofnun Stjórnstöðvar ferðamála en hún hefur verið harðlega gagnrýnd af þingmönnum flestra flokka, utan Sjálfstæðisflokks, og þá hafa ungir sjálfstæðismenn lagst gegn henni. Sérfræðingur í ferðamálum hefur bent á að ný ferðamálastefna feli ekki í sér neinar aðgerðir í mest aðkallandi verkefnum ferðaþjónustunnar.
Guðfinna fær 18 milljónir frá ráðuneytinu
Í janúar 2014 fól atvinnuvega- og nýsköpunarráðuneytið Ferðamálastofu að taka til skoðunar starfsumhverfi ferðaþjónustunnar. Verkefnið hafði að markmiði að einfalda starfsumhverfið. Stýrihópurinn var skipaður fulltrúum frá Ferðamálastofu, forsætisráðuneytinu, Samtökum ferðaþjónustunnar, Ferðamálasamtökum Íslands og Samgöngustofu. Þá voru Guðfinna S. Bjarnadóttir, fyrrverandi þingmaður Sjálfstæðisflokksins, og Vilhjálmur Kristjánsson, frá LC ráðgjöf, fengin til að leiða verkefnið og fengu alls fjórar milljónir fyrir. Ferðamálastofa stóð að þeirri ráðningu en ekki var leitað fleiri tilboða í verkefnið.
Hópurinn skilaði tillögum í maí sama ár og fólu þær í sér ýmis konar einfaldanir á regluverki tengdu ferðaþjónustu. Þá lagði hópurinn til að ráðherra endurskoði gildandi stefnu í ferðamálum. Í kjölfarið voru Guðfinna
Athugasemdir