Islantilainen voittaa aina. Elämää hur­maavien har­hojen maassa. Þannig er tit­ill­inn á einni af vin­sæl­ustu kiljum Finn­lands und­an­far­inna mán­aða en hann má þýða þannig: Íslend­ing­ur­inn vinnur alltaf. Saga af lífi í skyn­villu­landi. Höfundur bók­ar­innar er finnski blaða­mað­ur­inn, leið­sögu­mað­ur­inn og versl­un­ar­eig­and­inn Satu Rämö. Hún segir nokkra íróníu í titl­inum en á sama tíma krist­all­ist í honum mun­ur­inn á Íslandi og Finn­landi, Íslend­ingum og Finnum. Þeir frændur okkar klóri sér oft í höfð­inu yfir því hvað allt virð­ist ganga hratt og vel fyrir sig hjá Íslend­ing­unum. „Í Finn­landi hugsum við allt í þaula og við erum mjög var­kár. Allt er svo vel planað að við höfum aldrei tíma til að gera neitt. Hér á Íslandi ger­ist allt þvert á móti hratt. Ég fann fyrir honum um leið og ég flutti hingað, hrað­anum. Hann er að mörgu leyti jákvæður en að öðru leyti ekki, eins og ég segi frá í bók­inni. Þetta er ekki þessi dæmi­gerða „Ísland – best í heimi“ bók.