Greiðsla til Hjaltalín stöðvuð út af gráa listanum

Dreif­ing­ar­að­ila var óheim­ilt að milli­færa á íslenskan banka­reikn­ing hljóm­sveit­ar­innar Hjalta­lín vegna veru Íslands á gráa lista FATF um aðgerðir gegn pen­inga­þvætti og fjár­mögnun hryðju­verka.

Hjaltalín
Hjalta­lín Greiðsla til hljóm­sveit­ar­innar fór ekki fram vegna veru Íslands á gráa list­anum.

Vera Íslands á gráa list­anum yfir þau ríki sem ekki hafa gripið til full­nægj­andi aðgerða gegn pen­inga­þvætti og fjár­mögn­un hryðju­verka varð til þess að hljóm­sveitin Hjalta­lín fékk ekki greiðslu fyrir tón­list sína í byrjun ágúst.

Ísland var sett á gráan lista hjá FATF, alþjóð­legum fjár­mála­að­gerða­hópi ríkja um aðgerðir gegn pen­inga­þvætti og fjár­mögnun hryðju­verka, í októ­ber í fyrra. Stjórn­völd mót­mæltu nið­ur­stöð­unni, en hafa síðan fylgt aðgerð­ar­á­ætlun til að láta fjar­lægja landið af list­anum.

Hjalta­lín átti inni greiðslu hjá erlendu fyr­ir­tæki sem sér um staf­ræna dreif­ingu tón­listar hljóm­sveit­ar­innar, sem nýverið gaf út nafn­lausa plötu. „Við áttum inni pen­ing hjá þeim en þau voru að breyta kerf­inu hjá sér þannig að ég þurfti að setja aftur inn ban­ka­upp­lýs­ing­arnar okkar,“ segir Steinþór Helgi Arn­steins­son umboðs­maður. „Nema að þá er bara Ísland ekki inni í list­anum sem er í boði. Spes að sjá nöfn eins og Sýrland, Sómalíu, Jemen og Súdan, lönd sem eru flokkuð sem þau spillt­ustu á jörð­inni, á list­anum en ekki Ísland, sem var í hóp með meðal ann­ars Norður-Kóreu og Suður-Súdan, yfir lönd sem ekki voru á list­anum.“

Í svörum frá fyr­ir­tæk­inu kom fram að Ísland væri eitt af þeim löndum sem ekki ætti að senda pen­ing til vegna hættu á pen­inga­þvætti og fjár­mögnun hryðju­verka. Steinþór segir að hljóm­sveitin þurfi að finna aðra leið til að þiggja greiðsl­una.

„Mér finnst þetta aðal­lega sorg­lega grín­legt“

„Mér finnst þetta aðal­lega sorg­lega grín­legt,“ segir hann. „Við vorum bara að sækja okkur smá pen­ing sem við áttum inni þarna úti, enda vorum við að gefa út plötu sjálf með til­heyr­andi kostn­aði. Og í þessu árferði er erfitt, eða rétt­ara sagt ómögu­legt að fjár­magna sig með tón­leikum.“

Vona að Ísland fari af listanum í október

Íslensk stjórn­völd telja sig hafa lokið þeim aðgerðum sem þarf til að fjar­lægja Ísland af list­anum. Var það stað­fest á alls­herj­ar­fundi FATF í júní. „Á fund­inum var einnig sam­þykkt sam­hljóða að full­trúar sér­fræð­inga­hóps­ins muni koma til Íslands í vett­vangs­at­hugun til þess að stað­festa árang­ur­inn,“ sagði í frétt á vef stjórn­ar­ráðs­ins 24. júní.

„Ekki hefur verið ákveðin end­an­leg dag­setn­ing slíkrar athug­unar, en stefnt er að því að vett­vangs­at­hug­unin fari fram í byrjun sept­em­ber næst­kom­andi, að því gefnu að COVID-19 standi því ekki í vegi. Verði árangur Íslands stað­festur í vett­vangs­at­hug­un­inni má gera ráð fyrir að lögð verði fram til­laga um að Ísland verði tekið af svo­nefndum gráa lista FATF á fundi FATF í októ­ber,“ sagði einnig í frétt­inni. 

Kjósa
0
Hvernig finnst þér þessi grein? Skráðu þig inn til að kjósa.

Veistu meira?

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.

Mest lesið

4
Innlent

Hætta á að lánin hækki þó íbúða­verð lækki

Már Wolfgang Mixa hag­fræði­pró­fessor segir að stór hluti eigin fjár íbúða­eig­enda gæti þurrkast út á kom­andi mán­uðum. Verð­tryggðar fast­eigna­skuldir hækki í verð­bólgu­tíð sam­hliða því að íbúða­verð gæti lækkað. Hann leggur til að verð­tryggð hús­næð­is­lán fylgi íbúða­verði en ekki vísi­tölu neyslu­verðs. Þá myndu bank­arnir bera hluta áhætt­unnar.

Mest lesið

Mest lesið í vikunni

Mest lesið í mánuðinum

3
Viðtal

Íslenskur læknir varpar nýju ljósi á lífs­hættu­legan með­göngu­sjúk­dóm

Nítján ára gömul lá Silja Rut Ragn­ars­dóttir nær dauða en lífi á skurð­ar­borði Land­spít­al­ans eftir alvar­legt til­felli með­göngu­eitr­unar. Íslenskur vís­inda­maður í Banda­ríkj­unum, Jóhann Elí Guð­jóns­son húð­læknir, leiðir braut­ryðj­andi rann­sóknir sem varpa nýju ljósi á hvers vegna sjúk­dóm­ur­inn kemur fram. Hann telur mögu­legt að þróa lyf við sjúk­dómnum sem bjargað gæti manns­lífum.
6
Viðtal

Ást­leysið er sárt

Nánd er nær­ing, nauð­syn­leg eins og matur. Tæpur helm­ingur fólks elst upp í óör­uggum tengslum sem geta komið niður á tengslum og ást­ar­sam­böndum á full­orð­ins­árum, jafn­vel ógnað heilsu, enda er „tengsla­myndun ein af grunn­for­sendum far­sældar“, að sögn klíníska sál­fræð­ings­ins Guð­brands Árna Ísberg. Í bók sinni, Í augum þínum verð ég til, fjallar hann um getu okkar til að mynda tengsl og ást­ina í öllum sínum myndum.

Mest lesið í mánuðinum

Mest lesið undanfarið ár