Rannsókn á vatnsmengun bandaríska hersins: „Suðurnesjamenn eiga það skilið“
Í tæp 50 ár hefur legið fyrir að mengun, klórefni, frá Bandaríkjaher rataði í grunnvatn nærri vatnsbóli Keflvíkinga. Klórefnin geta verið krabbameinsvaldandi en áhrif þeirra á heilsufar Suðurnesjamanna hafa ekki verið rannsökuð. Bandaríkjaher fann mengunina í vatninu á níunda áratugnum og samdi sig frá málinu með því að greiða fyrir nýtt vatnsból. Laufey Tryggvadóttir hjá Krabbameinsfélagi Íslands segir að komast þurfi til botns í málinu í eitt skipti fyrir öll.
Hóf rannsóknir á málinu fyrir tæpum 50 árumEinar Valur Ingimundarson umhverfisverkfræðingur hóf rannsóknir á grunnvatnsmenguninni á Suðurnesjum fyrir tæpum 50 árum. Stjórnvöld á Íslandi hafa aldrei beitt sér fyrir heildstæðri rannsókn á menguninni fyrr en nú. Hann sést hér með eitt af tölublöðum tímarits herstöðvarandstæðinga, Dagfara, þar sem hann fjallaði um málið.Mynd: Heiða Helgadóttir
„Mér finnst að Suðurnesjamenn eigi það skilið að þetta sé gert vel,“ segir Laufey Tryggvadóttir, faraldsfræðingur og forstöðumaður rannsókna- og skráningarseturs hjá Krabbameinsfélagi Íslands, aðspurð um rannsókn sem félagið mun fara í á mengun frá Bandaríkjaher á Suðurnesjum. Vatnsmengunin kann að hafa haft áhrif á aukið nýgengi krabbameins á svæðinu. Rannsóknir sýna að fleiri krabbameinstilfelli greinast á Suðurnesjum en annars staðar á landinu.
Mengun frá herstöðinniMengað grunnvatn fannst við vatnsból Keflavíkur og Njarðvíkur árið 1989. Bandaríska varnarliðið féllst á að greiða fyrir ný vatnsból en talið var að mengunin stafaði meðal annars frá hreinsiefnum sem notuð voru til að þrífa flugvélar í herstöðinni á Miðnesheiði. Myndin er frá 1982 og sýnir flugstöðina og Keflavík í baksýn.
Eiturefni í grunnvatni á Suðurnesjum
Undir lok níunda áratugarins voru meðal annars sagðar fréttir af því að bandaríski herinn hefði við rannsóknir fundið eiturefni í …
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.
Athugasemdir