Þingmenn Framsóknarflokksins vildu kynna fjárlög í miðri kosningabaráttu

Vigdís Hauks­dóttir vill slíta þingi á mánu­dag­inn og fleiri úr þing­liði Fram­sókn­ar­flokks­ins eru ósáttir við þá nið­ur­stöðu að fjár­laga­frum­varp verði ekki lagt fram fyrr en eftir kosn­ingar.

Vildu kosningafjárlög
Vildu kosn­inga­fjár­lög Fram kemur í bréfi Gunnars Braga að á síð­asta þing­flokks­fundi hafi þing­menn Fram­sókn­ar­flokks­ins lýst vilja sínum til að fjár­laga­frum­varp yrði lagt fram fyrir kosn­ingar. Ljós­mynd­ari Stund­ar­innar tók myndir af fund­ar­höld­unum. Mynd: Heiða Helgadóttir

Þingmenn Fram­sókn­ar­flokks­ins vildu að lagt yrði fram fjár­laga­frum­varp fyrir kosn­ing­arar í haust og tjáðu þann vilja sinn á síð­asta þing­flokks­fundi.

Þetta kemur fram í bréfi sem Gunnar Bragi Sveins­son, sjáv­ar­út­vegs- og land­bún­að­ar­ráð­herra, sendi þing­liði Fram­sókn­ar­flokks­ins í gær. Eyjan vitnar í bréf Gunnars Braga og segir að þar sé gagn­rýnt að fjár­laga­frum­varp verði ekki lagt fram fyrir kosn­ingar: 

Það hefur ekki verið afgreitt innan fram­sókn­ar­flokks­ins. Ekki meðal ráð­herra né þing­flokks. Reyndar var alveg skýrt á síð­asta þing­flokks­fundi að þeir sem tjáðu sig vildu fjár­lög. Mér vit­an­lega var hvorki dag­setn­ing né fjár­laga­málið rætt við for­mann flokks­ins.

Þá kemur fram að þing­menn Fram­sókn­ar­flokks­ins séu óánægðir með að „halda út í kosn­inga­bar­áttu án þess að geta kynnt fjár­laga­frum­varp sem byggir á árangri síð­ustu ára í stjórn­ar­sam­starf­inu“.

Eftir að flýt­ingu þing­kosn­inga var heitið í apríl stefndi rík­is­stjórnin lengi vel að því að lagt yrði fram frum­varp til fjár­laga rétt áður en gengið yrði til kosn­inga. Hefði þetta gengið eftir hefði kynn­ing fjár­laga­frum­varps­ins og umræður um efni farið fram á sama tíma og kosn­inga­bar­átta stjórn­mála­flokk­anna er í algleym­ingi.  

Á fimmtu­dag­inn fund­uðu Sigurður Ingi Jóhanns­son for­sæt­is­ráð­herra og Bjarni Bene­dikts­son fjár­mála­ráð­herra með full­trúum stjórn­ar­and­stöð­unnar og stað­festu að kosið yrði til Alþingis þann 29. októ­ber næst­kom­andi. Fram kom í við­tali við Bjarna á vef RÚV að hann teldi að klára mætti helstu mál rík­is­stjórn­ar­innar fyrir þann tíma en að fjár­laga­frum­varp yrði ekki lagt fram fyrr en eftir kosn­ingar.

Gunnar Bragi og fleiri úr þing­liði Fram­sókn­ar­flokks­ins virð­ast ósáttir við þessa nið­ur­stöðu. Vigdís Hauks­dóttir, for­maður fjár­laga­nefndar, tjáði sig um málið á Facebook í dag og skrif­aði:

Ég tel að það sé lang best að slíta þing­inu á mánu­dag­inn og boða til kosn­inga innan 6 vikna eins og lög mæla um. Þetta segi ég til að hlífa lands­mönnum við bulli, vit­leysu og fyrru sem verður ann­ars næstu vik­urnar. Í hádeg­is­fréttum voru tvö mál komin strax í ágrein­ing – þ.e. búvöru­samn­ingar og vega­fram­kvæmdir – þetta verður óbæri­legt.

Kjósa
0
Hvernig finnst þér þessi grein? Skráðu þig inn til að kjósa.

Veistu meira?

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.

Mest lesið

1
Innlent

Hætta á að lánin hækki þó íbúða­verð lækki

Már Wolfgang Mixa hag­fræði­pró­fessor segir að stór hluti eigin fjár íbúða­eig­enda gæti þurrkast út á kom­andi mán­uðum. Verð­tryggðar fast­eigna­skuldir hækki í verð­bólgu­tíð sam­hliða því að íbúða­verð gæti lækkað. Hann leggur til að verð­tryggð hús­næð­is­lán fylgi íbúða­verði en ekki vísi­tölu neyslu­verðs. Þá myndu bank­arnir bera hluta áhætt­unnar.

Mest lesið

Mest lesið í vikunni

Mest lesið í mánuðinum

3
Viðtal

Íslenskur læknir varpar nýju ljósi á lífs­hættu­legan með­göngu­sjúk­dóm

Nítján ára gömul lá Silja Rut Ragn­ars­dóttir nær dauða en lífi á skurð­ar­borði Land­spít­al­ans eftir alvar­legt til­felli með­göngu­eitr­unar. Íslenskur vís­inda­maður í Banda­ríkj­unum, Jóhann Elí Guð­jóns­son húð­læknir, leiðir braut­ryðj­andi rann­sóknir sem varpa nýju ljósi á hvers vegna sjúk­dóm­ur­inn kemur fram. Hann telur mögu­legt að þróa lyf við sjúk­dómnum sem bjargað gæti manns­lífum.
6
Viðtal

Ást­leysið er sárt

Nánd er nær­ing, nauð­syn­leg eins og matur. Tæpur helm­ingur fólks elst upp í óör­uggum tengslum sem geta komið niður á tengslum og ást­ar­sam­böndum á full­orð­ins­árum, jafn­vel ógnað heilsu, enda er „tengsla­myndun ein af grunn­for­sendum far­sældar“, að sögn klíníska sál­fræð­ings­ins Guð­brands Árna Ísberg. Í bók sinni, Í augum þínum verð ég til, fjallar hann um getu okkar til að mynda tengsl og ást­ina í öllum sínum myndum.

Mest lesið í mánuðinum

Mest lesið undanfarið ár