Útlendingastofnun tilkynnir hælisleitanda að hann þurfi sjálfur að greiða lögfræðikostnað

Verk­efn­is­stjóri hjá Útlend­inga­stofnun segir að „vel megi vera að eitt­hvað hafi týnst“ þegar starfs­menn stofn­un­ar­innar fóru inn til manns og hand­léku eigur hans, meðal ann­ars fjöl­skyldu­myndir. Útlend­inga­stofnun afhenti sama manni bréf á íslensku um að hann þyrfti sjálfur að standa straum af lög­fræði­kostn­aði.

Útlend­inga­stofnun hefur til­kynnt írönskum hæl­is­leit­anda að hann þurfi sjálfur að bera kostnað af lög­manns­þjón­ustu vegna hæl­is­um­sóknar sinnar á Íslandi. Rauði kross­inn útvegar hæl­is­leit­endum lög­fræði­að­stoð sam­kvæmt samn­ingi sem inn­an­rík­is­ráðu­neytið gerði við sam­tökin í fyrra. Hæl­is­leit­and­inn treystir hins vegar ekki lengur Rauða kross­inum og hefur óskað eftir því að Katrín Odds­dóttir, lög­maður á lög­manns­stof­unni Rétti, taki málið sitt að sér. 

Um er að ræða sama mann og hót­aði að kveikja í sér fyrir utan höf­uð­stöðvar Rauða kross­ins í lok ágúst. Eins og Stundin greindi frá á fimmtu­dag fóru starfs­menn Útlend­inga­stofn­unar inn í íbúð manns­ins og hand­léku eigur hans, meðal ann­ars fjöl­skyldu­myndir, meðan hann var vistaður á geðsviði Land­spít­al­ans. Hæl­is­leit­and­inn var mjög óánægður með þetta og gerði starfs­maður Rauða kross­ins athuga­semd við vinnu­brögðin.

„Kostnað vegna þjón­ustu Katrínar mun Útlend­inga­stofnun ekki greiða heldur verður þú að sjá um þann kostnað
sjálfur. Gerir þú þér grein fyrir þessu?“

Í síð­ustu viku, eftir að mað­ur­inn hafði farið fram á að skipta um lög­mann, heim­sóttu starfs­menn Útlend­inga­stofn­unar hann, afhentu honum bréf sem skrifað er á íslensku og kynntu honum efni þess. Bréfið hljóðar svo:

„Sú gjald­frjálsa lög­fræði­að­stoð sem Útlend­inga­stofnun útvegar hæl­is­leit­endum er sú þjón­usta sem Rauði kross Íslands veitir. Þar sem þú hefur óskað eftir því að Katrín Odds­dóttir lög­maður taki við máli þínu er þér þér hér með kynnt að kostnað vegna þjón­ustu Katrínar mun Útlend­inga­stofnun ekki greiða heldur verður þú að sjá um þann kostnað sjálfur. Gerir þú þér grein fyrir þessu?“

Stað­festi mað­ur­inn með und­ir­skrift að sér hefði verið efni bréfs­ins „nægi­lega kynnt“. Jafn­framt var hann beð­inn um að veita Útlend­inga­stofnun heim­ild til að fá upp­lýs­ingar úr sjúkra­skrá um and­lega heilsu sína. 

Kjósa
0
Hvernig finnst þér þessi grein? Skráðu þig inn til að kjósa.

Veistu meira?

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.

Mest lesið

Mest lesið

Mest lesið í vikunni

Mest lesið í mánuðinum

3
Viðtal

Íslenskur læknir varpar nýju ljósi á lífs­hættu­legan með­göngu­sjúk­dóm

Nítján ára gömul lá Silja Rut Ragn­ars­dóttir nær dauða en lífi á skurð­ar­borði Land­spít­al­ans eftir alvar­legt til­felli með­göngu­eitr­unar. Íslenskur vís­inda­maður í Banda­ríkj­unum, Jóhann Elí Guð­jóns­son húð­læknir, leiðir braut­ryðj­andi rann­sóknir sem varpa nýju ljósi á hvers vegna sjúk­dóm­ur­inn kemur fram. Hann telur mögu­legt að þróa lyf við sjúk­dómnum sem bjargað gæti manns­lífum.
5
Viðtal

Ást­leysið er sárt

Nánd er nær­ing, nauð­syn­leg eins og matur. Tæpur helm­ingur fólks elst upp í óör­uggum tengslum sem geta komið niður á tengslum og ást­ar­sam­böndum á full­orð­ins­árum, jafn­vel ógnað heilsu, enda er „tengsla­myndun ein af grunn­for­sendum far­sældar“, að sögn klíníska sál­fræð­ings­ins Guð­brands Árna Ísberg. Í bók sinni, Í augum þínum verð ég til, fjallar hann um getu okkar til að mynda tengsl og ást­ina í öllum sínum myndum.

Mest lesið í mánuðinum

Mest lesið undanfarið ár