„Vá, hvað þetta er gott, og ilmar dásamlega! Já, ég veit, segir hann með stóru brosi, amma gerði alltaf þennan magnaða baunarétt þegar ég var lítill og uppskriftin hefur verið í ættinni okkar í meira en 100 ár. Mikið er annars gaman að þið gátuð komið.“ Vonandi er þetta samtal frá árinu 2119 og matartímar eftir sem áður sá hornsteinn í samfélaginu og gleðigjafi sem þeir eru í dag.

Framtíðin lumar eflaust á einstaklingsbundnum ráðleggingum um hvaða matur hentar hverju og einu okkar nákvæmlega, enda fleygir vísindarannsóknum fram með nýrri tækni. En hvaða mat borða þeir sem lifa lengst og fá síður langvinna sjúkdóma? Á þeim rannsóknum byggja opinberar ráðleggingar um mataræði meðal annars ásamt mikilvægi þess að vera í góðu næringarástandi. Ráðleggingar byggja þó einnig á matarhefðum og venjum í hverju landi og eiga því við um alls kyns bragðgóðar, litríkar, næringarríkar og lítið unnar máltíðir sem innihalda grænmeti, …