Í byrjun júní var tískurisinn H&M krafinn um að breyta markaðsherferð sinni þar sem neytendastofa Noregs taldi auglýsingar fyrirtækisins ólöglegar og „blekkjandi“ gagnvart viðskiptavinum sínum, samkvæmt fréttaveitunni NRK. Fyrirtækið hefur undanfarin ár auglýst línuna Conscious sem „græna“ og „sjálfbæra“ þar sem hluti efna sem notuð eru í flíkur línunnar er endurunninn. Á sama tíma er framleiðsla fyrirtækisins verulegur hluti af einum mest mengandi iðnaði í heimi og einnig hefur komið í ljós að aðstæður starfsmanna í verksmiðjum þess hafi verið óviðunandi. Fjórar verslanir í eigu H&M Group eru nú reknar hérlendis en fyrir utan verslunina H&M eru það verslanirnar COS, Weekday og Monki.
Afleiðingar hraðtísku
Hugtakið ‘hraðtíska’, eða ‘fast fashion’, er skilgreint af Merriam Webster orðabókinni sem „nálgun að hönnun, framleiðslu og markaðssetningu fatnaðar sem leggur áherslu á ódýrar flíkur og að koma þeim fljótar til viðskiptavinarins“. Pressan að framleiða ódýran fatnað á sem minnstum tíma hefur oftar …
Athugasemdir