Carmen kærir Jón Baldvin til lögreglu á Íslandi

Carmen Jóhanns­dóttir hefur kært Jón Baldvin Hanni­bals­son, fyrr­ver­andi ráð­herra og sendi­herra, fyrir kyn­ferð­is­lega áreitni.

„Ég, Carmen Jóhanns­dóttir, lýsi því hér með yfir að ég hef lagt fram kæru á hendur Jóni Baldvini Hanni­bals­syni vegna kyn­ferð­is­legrar áreitni sem hann beitti mig á heim­ili sínu í Salobreña, Spáni þann 16. júní árið 2018,“ skrifar Carmen í yfir­lýs­ingu sem hún sendi á Stundina rétt í þessu.

„Málið er nú komið í hendur lög­regl­unnar á höf­uð­borg­ar­svæð­inu. Ég ber fullt traust til emb­ætt­is­ins og trúi því að málið verði rann­sakað af fag­mennsku. Að teknu til­liti til þessa mun ég ekki tjá mig meira um málið opin­ber­lega að svo stöddu.“

Jón Baldvin neit­aði að svara spurn­ingum Stund­ar­innar þegar blaða­maður hafði sam­band við hann í dag.

Sjö konur hafa stigið fram undir nafni og sakað Jón Baldvin um kyn­ferð­is­legra áreitni. Alls hafa 23 konur birt sögur sínar á vef­síðu og halda frá­sagnir áfram að ber­ast í sér­stökum MeToo hópi kvenn­anna á Facebook. Jón Baldvin hefur ítrekað sagt að sög­urnar eigi allar rætur að rekja til veik­inda dóttur sinnar.

Nýjasta til­fellið varðar atvik þegar Carmen, 34 ára, og móðir hennar, vin­kona Jóns Baldvins og Bryn­dísar Schram, voru staddar í veislu á þaki heim­ilis hjón­anna í Andalúsíu á Spáni. Þær segja að Jón Baldvin hafi káfað á rassi Carmenar. „Ég horfði á þetta ger­ast,“ sagði móðir hennar í sam­tali við Stundina.

Jón Baldvin afskrif­aði hins vegar atvikið í við­tali í Silfrinu á RÚV á þeim for­sendum að hann hafi það vott­fest frá Hugrúnu Jóns­dóttur, sem einnig var við­stödd, að hún hefði ekki orðið vör við snert­ing­una. „Veislan á þak­inu var svið­sett. Hún er ósönn. Ég meina það, að það getur ekki verið neitt annað að baki þess­ari heim­sókn en að setja þetta á svið.“ Aðspurður hvers vegna móð­irin ætti að koma í heim­sókn til að „siga dóttur sinni“ á hann: „Það er ekki mitt að skýra það.“ Hann kvadd­ist einnig vera með bók um málið í und­ir­bún­ingi.