Þessi grein birtist upphaflega í Stundinni fyrir meira en 5 árum.

Bára fékk þakklætisorðu og tugir mættu í dómshúsið til að sýna henni stuðning

Þingmenn vilja að Báru verði refsað og hún látin greiða sekt og miskabætur. Fjöldi fólks mætti í dómshúsið til að sýna henni stuðning. Þingmennirnir sem ætla að stefna henni létu ekki sjá sig, en Reimar Pétursson hæstaréttarlögmaður mætti fyrir þeirra hönd.

17. desember 2018 14:58

Ritstjórn

ritstjorn@heimildin.is

Bára Halldórsdóttir, 42 ára öryrki sem hljóðritaði háværar samræður þingmanna á Klaustri bar þann 20. nóvember, er mætt í Héraðsdóm Reykjavíkur ásamt lögmönnum sínum, Ragnari Aðalsteinssyni og Auði Tinnu Aðalbjarnardóttur, vegna fyrirhugaðs málareksturs fjögurra þingmanna gegn henni.

Gunnar Bragi Sveinsson, Sigmundur Davíð Gunnlaugsson, Bergþór Ólason og Anna Kolbrún Árnadóttir, þingmenn Miðflokksins, vilja að Bára sæti refsingu og greiði þeim miskabætur vegna „njósnaaðgerðar“ sem þeir segjast hafa orðið fyrir. Þá vilja þeir einnig að Persónuvernd sekti Báru. Þetta er ljóst af bréfum sem lögmaður þingmannanna hefur sent Persónuvernd og héraðsdómi.

Ljóst er að Bára nýtur talsverðs stuðnings í samfélaginu. Boðað hefur verið til samstöðufundar í dómshúsinu meðan þingfestingin fer fram.

Bára leit við á ritstjórnarskrifstofu Stundarinnar áðan og tók við litlum glaðningi sem barst ritstjórninni á dögunum, eins konar þakklætisorðu sem ætluð var henni. Maðurinn sem lét smíða gripinn vildi ekki láta nafns síns getið eða beina athyglinni að sjálfum sér, en bað um að Báru yrði færð orðan með þakklætis- og kærleikskveðju.

Tugir manna eru saman komnir í dómshúsinu þegar þetta er ritað. Þingmennirnir fjórir létu ekki sjá sig en lögmaður þeirra, Reimar Pétursson, mætti fyrir þeirra hönd.

Kjósa

Hvernig finnst þér þessi grein? Skráðu þig inn til að kjósa.

Deila

Efnisorð

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.

Tengdar greinar

Klausturmálið

FréttirKlausturmálið

Vigdís gagnrýnir styrk til Báru vegna „Klausturgate“

Vigdís Hauksdóttir segir Reykjavíkurborg hafa styrkt málþing Báru Halldórsdóttur til að koma höggi á pólitíska andstæðinga meirihlutans, flokkssystkin sín í Miðflokknum.

Fréttir

Árið 2019: Barátta barnanna og bakslagið í umræðunni

Ársins 2019 verður minnst sem ársins þegar mannkynið áttaði sig á yfirvofandi hamfarahlýnun, með Gretu Thunberg í fararbroddi. Leiðtogar þeirra ríkja sem menga mest draga þó enn lappirnar. Falsfréttir héldu áfram að rugla umræðuna og uppljóstrarar um hegðun þeirra valdamiklu fengu að finna fyrir því.

FréttirKlausturmálið

Hatari styrkir Báru uppljóstrara

„Neysluvaran og andkapítalíska margmiðlunarverkefnið“ Hatari hefur ákveðið að styðja við söfnun Báru Halldórsdóttur uppljóstrara, vegna málskostnaðar við dómsmál þingmanna Miðflokksins gegn henni.

PistillKlausturmálið

Illugi Jökulsson

Hvað er á seyði á Alþingi?

Illugi Jökulsson skrifar um skrípaleik í umhverfis- og samgöngunefnd.

FréttirKlausturmálið

Bergþór gerður að nefndarformanni með tveimur atkvæðum – Fulltrúar annarra flokka sátu hjá

Bergþór Ólason klæmdist og úthúðaði stjórnmálakonum á veitingastað í fyrra og talaði um menntamálaráðherra sem „skrokk sem typpið á [sér] dygði í“. Í dag tryggðu nefndarmenn umhverfis- og samgöngunefndar honum formennsku með hjásetu í atkvæðagreiðslu, en aðeins Bergþór og Karl Gauti Hjaltason greiddu atkvæði með því að hann yrði formaður.

FréttirKlausturmálið

Skýringar Bergþórs og Gunnars Braga á ummælum um Albertínu skiptu ekki máli

Eftir að siðanefnd komst að þeirri niðurstöðu að ummæli Gunnars Braga og Bergþórs Ólasonar um Albertínu Friðbjörgu Elíasdóttur og MeToo væru brot á siðareglum sögðust þingmennirnir hafa verið að lýsa erfiðri reynslu, áreitni og „kynferðisbroti“. „Hvað viðkemur lýsingu BÓ og GBS á samskiptum þeirra við Albertínu Friðbjörgu Elíasdóttur, sbr. kafli 2.5., verður ekki séð að lýsingar þeirra á þeim skipti máli við mat á þeim málavöxtum,“ segir forsætisnefnd.