Aktí­vismi gegn nauðg­un­ar­menn­ingu er Facebook-hópur sem sam­anstendur af konum sem ræða hin ýmsu mál í trún­aði og skipu­leggja aktí­visma gegn „hand­ó­nýtu, ger­enda­vænu kerfi“ eins og segir í lýs­ingu hóps­ins. Ein af virkum með­limum hans er Sæunn Ingi­björg Mar­in­ós­dóttir en hún kastaði á dög­unum vina­bombu inn í hóp­inn, sem var hávær­ari og öfl­ugri en hana óraði fyrir.

„Í þessum hópi eru oft erfið mál til umræðu, því við eigum margar erf­iða reynslu að baki,“ útskýrir Sæunn. „Þegar koma upp opin­berar umræður um eitt­hvað sem ýtir undir erf­iðar til­finn­ingar hjá konum sem hafa verið þolendur ofbeldis getur sprottið upp hjá þeim ákveðin sorg og von­leysi. Það var svo­leiðis tíma­bil um dag­inn, eftir storm­inn sem átti upp­tök sín hjá honum Jóni Steinari vini okkar, þar sem hann beindi athygl­inni frá verð­ugum mál­stað og hópar fólks réð­ust að nafn­greindum konum í kjöl­farið af mik­illi heift. Þá fannst mörgum okkar eins og það væri …