„Ég skil ekki hvers vegna ég var ekki bara geldur eftir slysið, því ekki er manni gert kleift að sinna börnunum sjálfur,“ segir Arnar Helgi Lárusson, formaður Samtaka endurhæfðra mænuskaddaðra (SEM), í samtali við Stundina. 

Hann segir ekki gert ráð fyrir fötluðum foreldrum, heldur sé gert ráð fyrir að ófötluð eiginkona hans sinni þessu hlutverki. „Ég hef reynt að standa mig sem foreldri og ég tel mig vera fullkomlega í stakk búinn til þess að ala upp börnin mín og hugsa vel um þau. En það er umhverfið sem gerir það stundum að verkum að ég get ekki fylgt þeim eftir,“ segir Arnar Helgi.

Stundin ræddi við fatlaða foreldra sem segja frá reynslu sinni af foreldrahlutverkinu og hvernig kerfið hindri þá í því að sinna börnum sínum. Einnig er rætt við prófessor í fötlunarfræði við Háskóla Íslands, sem hefur sérhæft sig í stöðu fatlaðra foreldra. Öll eru sammála um að …