Rúmlega tólf ára gömul byrj­aði Særún að ganga á milli lækna vegna óút­skýrðra krónískra verkja í mag­anum. Hún fór í ótal blóð­rann­sóknir og mynda­tökur, en aldrei fannst nein orsök. Í dag er hún sann­færð um að verkirnir hafi komið til vegna kyn­ferð­is­of­beld­is­ins sem hún var beitt á barns­aldri. „Auðvitað fannst engin lík­am­leg útskýr­ing, því þetta var áfallið sem var að koma fram í lík­am­anum á mér. Ég varð að loka sárs­auk­ann inni og beindi honum því inn í lík­amann,“ segir hún.

Særún var beitt kyn­ferð­is­of­beldi af hendi ætt­ingja reglu­lega frá því hún var tólf ára gömul. Ofbeldið stóð yfir í alls fimm ár og var Særún því komin í mennta­skóla þegar því linnti. Strax sem barn byrj­aði hún að finna fyrir lík­am­legum afleið­ingum ofbeld­is­ins. „Þetta fer inn í ómeð­vit­aða kerfið á manni. Flest af því sem ger­ist í svefni er til dæmis ómeð­vitað, en eru við­brögð við því sem …