Þróunin á heimsvísu er ekki öll í þá átt að misskipting sé að aukast, að sögn Gylfa Magnússonar. Örbirgð hafi farið minnkandi í heiminum og að jöfnuður á Íslandi sé einn sá mesti sem fyrirfinnst og ekki mjög sterkar vísbendingar um misskiptingu auðs á Íslandi þó að tölur sýni slíkt í öðrum löndum, til dæmis Bandaríkjunum.

Hverjar eru helstu ástæður samþjöppunar auðs? „Það er náttúrlega margt sem skýrir það en þróun á eignamörkuðum skiptir verulegu máli. Ef tiltölulega lítill hópur á fremur mikið af hlutabréfum, og ef þau hækka mikið í verði, þá eykur það þeirra hlutdeild og það er örugglega hluti af skýringunni sem við sjáum í Bandaríkjunum og ýmsum öðrum vestrænum löndum. Þetta á þó miklu síður við á Íslandi vegna þess að eignadreifingin, eða skipting eignarhalds á þessum helstu peningalegu eignum, hlutabréfum og slíku, er með allt öðrum hætti hér á landi, sem má fyrst og fremst …