Donald Trump forseti lofaði á fimmtudag 10 milljörðum dala (1.222 milljörðum króna) í nýtt „friðarráð“, óljósa nýja stofnun sem einbeitir sér fyrst að Gaza og er hleypt af stokkunum um leið og hann hótar Íran stríði.

Á meðan bandarískar herþotur og flugmóðurskip stefndu í átt að Íran að hans skipun, bauð Trump um tvo tugi bandamanna víðsvegar að úr heiminum velkomna í glæsilega byggingu fyrrverandi Friðarstofnunar Bandaríkjanna í Washington, sem hefur verið rýmd og endurnefnd eftir þessum 79 ára gamla repúblikana.

Trump, sem hefur skorið verulega niður erlenda aðstoð, sagði að Bandaríkin myndu leggja 10 milljarða dala til framtaksins, en markmið þess eru meðal annars að endurbyggja Gaza, sem var lagt í rúst eftir tveggja ára stríð milli Hamas og Ísraels.

„Saman getum við látið drauminn um varanlegan frið á svæði sem hefur þjáðst af stríði og þjáningum um aldir rætast,“ sagði fasteignamógúllinn sem …