Anna Rós Árnadóttir, Birgitta Björg Guðmarsdóttir og Þórdís Dröfn Andrésdóttir eru ungar skáldkonur sem allar hafa vakið athygli fyrir ljóðabækur sínar sem komu út í ár. Fleira eiga þær sameiginlegt, en allar hafa þær skrifað frá unga aldri og árin í Menntaskólanum við Hamrahlíð hafði einnig mikil áhrif á skáldaferil þeirra. Umfjöllunarefni ljóða þeirra eru gífurlega ólík en blaðamaður fór á stúfana og komst meðal annars að því hvað veitir þeim innblástur og hvað er á döfinni hjá þessum efnilegu ungskáldum.

Ljóðabálkurinn Draugamandarínur eftir Birgittu Björgu Guðmarsdóttur fjallar um athöfnina að borða mandarínur. Hún leiðir lesendur í gegnum ferlið, allt frá því að hýðið er tekið af, maturinn tíndur upp í munn og að lokum kyngt. 

Í verkinu leikur Birgitta sér með hliðstæðurnar milli orðanna sem notuð eru um ávexti og orðin sem notuð eru yfir líkamann. Þar má nefna börk og heilabörk, kjöt og aldinkjöt, húð og hýði. Hún …