Í apríl 2008, þegar minna en hálft ár var í að allir íslensku bankarnir mundu hrynja og efnahagsáfall ríða yfir þjóðina, afhenti Ólafur Ragnar Grímsson stjórnarformanni Baugs Group, Jóni Ásgeiri Jóhannessyni, útflutningsverðlaun forseta Íslands fyrir „forystuhlutverk í íslensku útrásinni“.

„Á örfáum árum hefur fyrirtækið náð þeim árangri að verða þriðja stærsta smásölufyrirtæki á Norðurlöndum og hefur á liðnum árum vaxið hraðar en nokkuð annað fyrirtæki á þessum markaði,“ sagði í tilkynningu vegna verðlaunanna.

Skömmu síðar missti Jón Ásgeir stjórn á viðskiptaveldi sínu. Glitnir, bankinn sem hann stýrði bak við tjöldin, var tekinn yfir af ríkinu. Baugur fór í gjaldþrot og þar með rann verslunin Bónus sem hann stofnaði með föður sínum, Jóhannesi Jónssyni, úr greipum hans. Málaferli vofðu yfir honum eftir að skýrsla rannsóknarnefndar Alþingis sýndi hversu skuldsettur þessi hraði vöxtur Baugs hafði verið hjá öllum föllnu bönkunum, ekki bara Glitni, heldur líka Kaup­þingi og Lands­bank­an­um. Honum og eiginkonu hans, …