Ágangur á náttúru Suðurlands hefur aukist mikið með tilkomu aukins ferðamannastraums. Gönguleiðir eru margar í slæmu ásigkomulagi og slóðar hafa myndast út frá þeim, finna má dauðan mosa í hraunbreiðum, hjólför eru á söndum eftir utanvegaakstur og rusl ratar ekki alltaf í tunnur. 

Náttúruverndarstofnun hóf ástandsmat á friðlýstum svæðum árið 2018 en mörg þeirra eru vinsælir ferðamannastaðir. Á vef stofnunarinnar segir: „Margir þættir geta haft neikvæð áhrif á verndargildi friðlýstra svæða. Þó má segja að áhrif mannlegra umsvifa séu hvað mest en friðlýst svæði eru oft vinsælir áfangastaðir ferðamanna.“

Fjöldi ferðamanna hefur margfaldast hér á landi og álagið í samræmi við það. Árið 1953 komu hingað til lands sex þúsund gestir, upp úr aldamótum voru þeir orðnir 320 þúsund og í dag eru þeir tæplega 2,3 milljónir á ári. Samkvæmt spá Ferðamálastofu má ætla að þeim muni fjölga næstu ár og verði orðnir tæpar 2,9 milljónir árið 2030. 

Margmenni við …