Samsæriskenningar eru orðnar mun meira áberandi í íslensku samfélagi en áður samkvæmt tveimur prófessorum sem hafa fylgst með þróun mála í um áratug. Fyrir tíu árum síðan var leitun að samsæriskenningum á Íslandi, nú hafa þeir ekki undan flóðinu sem jókst gífurlega í kjölfar heimsfaraldursins. Samkvæmt könnun fjölmiðlanefndar frá því fyrr í júlí kom fram að um 40 prósent landsmanna trúa á hið dularfulla djúpríki. Kona sem trúir á efnarákir á himni (chemtrails) segir mikilvægt að geta átt samtalið og segir engum til gagns að þagga niður óþægilega umræðu, Íslendingar verði að fá að rökræða þetta, þannig séu þeir gerðir.
Almenningi rann kalt vatn milli skinns og hörunds þegar hann horfði upp á fordæmalausar óeirðir þegar múgur og margmenni braust inn í þinghús Bandaríkjanna þann 6. janúar árið 2021. Markmið óeirðarseggja var fyrst og fremst að koma í veg fyrir friðsamleg valdaskipti á milli Donalds Trump, fráfarandi forseta, og …
Í raun ætti að vera jafn refsivert að ljúga vísvitandi gegn lýðræðinu og samfélaginu þegar auðsannanlegt væri að atvinnumenn vissu betur, og að ljúga um viðskipti fyrirtækja á hlutabréfamarkaði. Lýðræðið.
Við Íslendingar erum sérlega ónæmir fyrir því að logið sé að okkur. Heilindi stjórnmálanna, þings og ríkisstjórnar er miklu mikilvægara en hlutabréfamarkaða. Samt gerum við strangar kröfur til þeirra sem tjá sig um hlutabréf og fyrirtæki — en engar til þeirra sem tjá sig um grundvallaratriði og þekkingu á undirstöðum lýðræðisins.
— Augljós vísvitandi ósannindi á sviði þjóðmála ættu að vera refsiverð eins og ósannindi um fyrirtæki og fjármál, sérstaklega af hálfu atvinnumanna, fjölmiðlafólks og stjórnmálamanna — um leið samt og sönnunarbyrði ætti að vera þung og ekki auðvelt að hlaupa alltaf upp á nef sér og kæra.
Höfundur greinarinnar hefði átt að fara betur í loftslagshlýnunarmálin sem sífellt fleiri eru farnir að sjá í gegnum, enda hefur ekkert breyst á þessum 30 árum síðan Al Gore kom fram með heimsendaspá sína. Um aldamótin síðustu var því spáð að yfirborð sjávar myndi stórlega hækka, að minnsta kosti um 2 metra svo mestöll Reykjavík átti að fara undir sjó. Yfirborð sjávar hefur kannski hækkað um 2mm og má þó deila um þær mælingar. Þá hafa menn brugðið á það ráð að segja að líklega muni golfstraumurinn hætta að streyma til Íslands svo það verði óbyggilegt á Íslandi. Kannski er það til að Íslendingar muni flýja land svo "djúpríkið ægilega" geti svo komið og sölsað auðlindunum okkar undir sig.
Þú gætir líka minnst á "The Trusted News Initiative" eða "Trúverðuga fréttaframtakið" þar sem helstu fréttamiðlar (mainstream media) heimsins bera saman bækur sínar til að detta ekki í þá hræðilegu gryfju að birta kannski óvitandi einhverja "falsfrétt" eða "samsæriskenningu." Þessir miðlar eru í raun svo hræddir að þeir þora ekki að birta neitt nema það sem kemur frá Reuters eða Associated Press, þar sem búið er að móta það með hinni samþykktu orðræðu.
Þá má nefna Rómarklúbbinn sem hittist árlega til að finna einhverja hörmung sem mun herja á mannkynið því þau telja nauðsynlegt að fækka fólki á jörðinni. Ef það er ekki vatnsskortur er það hungursneyð, nú eða hin ægilega "Global boiling".
Maður spyr sig: Hverjir eru vitleysingarnir, þeir sem trúa á Global boiling eða þeir sem trúa að hægt sé að búa til ský með efnaspreyi?