Elín Ósk Arnarsdóttir hefur glímt við átröskun síðastliðin tólf ár og hefur farið í hátt á annan tug meðferða, en er nú loks á góðri vegferð með að ná bata. Þegar hún var á táningsaldri upplifði hún mikla líkamsskömm og hafði sterkar fyrir fram gefnar hugmyndir um það hvernig hún ætti að líta út. Sautján ára fór hún í kjálkaskurðaðgerð sem var vendipunktur og í kjölfarið segir hún að samband sitt við mat hafi farið að skekkjast. Hún hafi átt erfitt með að borða passlega, ákveðið að fara í „saklaust átak“ og endanlega misst tökin. „Ég segi alltaf að megrun sé stórhættuleg af því það er einn af stærstu áhættuþáttunum að einstaklingur þrói með sér átröskun,“ segir Elín Ósk. 

Tölfræði átraskanna

Átraskanir eru alvarlegur geðsjúkdómur sem felst í miklum truflunum á matarvenjum og hafa þær alvarlegar líkamlegar og andlegar afleiðingar, en dánartíðni vegna átraskana er sú hæsta á meðal geðsjúkdóma …