Átta ár eru liðin síðan Gunnar Smári Egilsson birti eftirfarandi ákall á Facebook-síðu sinni: „Þeir sem vilja gerast stofnfélagar að Sósíalistaflokki Íslands, sem formlega verður stofnaður 1. maí næstkomandi, geta skráð sig hér. Sósíalistar allra landa sameinist!“ Þetta var í apríl 2017, viku eftir að hann hætti afskiptum af Fréttatímanum sem fór í þrot.

Gunnar Smári deildi með hvatningunni tengli á skráningarsíðu flokksins með samsettri mynd af fimmtán manneskjum. Þar var neðst í hægra horninu mynd af ungri konu sem var þá að stíga sín fyrstu skref í stjórnmálum en er í dag forseti borgarstjórnar: Sanna Magdalena Mörtudóttir.

Miklar sviptingar

Ljóst var fyrir fram að aðalfundur Sósíalistaflokksins, sem haldinn var liðna helgi, yrði mikill hitafundur. Gríðarlegar sviptingar urðu þar á stjórn flokksins þar sem hópur fólks úr grasrótinni bauð sig fram til höfuðs þeim sem höfðu farið með völd í flokknum …