Ólöf Tara Harð­ar­dóttir, sem lést í fyrr­inótt á 35. ald­ursári, hefur í kvöld fengið þakkir fjöl­margra fyrir ára­langa bar­áttu hennar gegn kyn­bundnu ofbeldi. 

Aðstand­endur hennar sendu í kvöld til­kynn­ingu á fjöl­miðla. Þar segir að Ólöf Tara hafi lengi búið við ofbeldi í nánu sam­bandi sem mót­aði hana mikið. Síðustu ár lífs­ins hafi hún helgað bar­áttu gegn ofbeldi og breyttum hugs­un­ar­hætti þjóð­fé­lags­ins. „En sárin rista djúpt,“ og Ólöf Tara lifði ekki af.  

Sjálf hafði Ólöf greint frá langvar­andi áhrifum kyn­ferð­is­of­beldis í nóv­em­ber síð­ast­liðnum í færslu um ljósa­göngu UN Women.

„Ég Ólöf Tara er ein af hverjum fjórum, ég er ein af þeim sem kærði ekki. Kannski einn dag­inn verð ég töl­fræðin um kon­una sem lést langt fyrir aldur fram vegna afleið­inga ofbeldis, með öllum hinum kon­unum. Tölfræði í lif­andi lífi og töl­fræði eftir lif­andi líf. Það sem ég er kannski að reyna segja er að töl­fræðin er mik­il­væg, en þolendur eru bara svo miklu miklu meira,“ skrif­aði hún.

Ólöf Tara var fædd í Reykja­vík 9. mars 1990 og var því á 35. ald­ursári. For­eldrar hennar eru Tinna Arn­ar­dóttir og Hörður Örn Harð­ar­son. 

Tökum utan um hvort annað

„Það er ein­læg ósk aðstand­enda hennar að breyt­inga megi áfram vænta, að bar­áttan haldi áfram og skili árangri, að dóma­fram­kvæmd breyt­ist og að sam­fé­lagið okkar sam­ein­ist um að ofbeldi verði ekki liðið, aldrei! Þörf er á ein­lægum sam­skiptum fólks, án upp­hrópana og hleypi­dóma. Þörf er á umhyggju, vænt­um­þykju og hlut­tekn­ingu.  Tökum utan um hvert annað í stað þess að taka hvert á öðru.“ 

Um leið hvöttu þau öll til að sækja sér aðstoðar þegar myrkrið færð­ist yfir. „Aðstand­endur minna á að þeir sem eiga um sárt að binda og hafa sjálfs­vígs­hugs­anir hafa alltaf stuðn­ing og von. Bent er á Píeta sam­tökin í síma 552-2218 og hjálp­ar­síma Rauða kross­ins, 1717.“

Hlaut fjölmargar viðurkenningar

Ólöf Tara var kraft­mikil í umræðu um og bar­áttu gegn kyn­bundnu ofbeldi og kom að stofnun tveggja sam­taka, Öfga og Vitundar, sem börð­ust ötul­lega fyrir breyt­ingum í þágu þolenda ofbeldis.

Með Öfgum hlaut Ólöf Tara fjöl­mörg verð­laun fyrir vinnu sína, þar á meðal frá Mann­rétt­inda­skrif­stofu Íslands, og hélt mörg erindi í tengslum við kyn­bundið ofbeldi. Öfgar ávörp­uðu meðal ann­ars Sam­ein­uðu þjóð­irnar um kvenna­sátt­mál­ann og fund­uðu með full­trúum Evr­ópu­ráðs­ins um for­varnir og bar­áttu gegn ofbeldi gegn konum og heim­il­is­of­beldi. Barátta hennar sneri ekki síst að því að stöðva byrl­anir og kven­morð.

Var hún annar tveggja stjórn­enda nýrra hlað­varps­þátta, Dómstóll göt­unnar, þar sem rýnt er í dóma sem falla hér á landi. Nú í jan­úar kom hún að stofnun nýrra sam­taka gegn kyn­bundu ofbeldi, Vitund.

Samhliða bar­áttu­störfum sínum rak hún eigið fyr­ir­tæki og sinnti þjálfun sem var sér­sniðin að þörfum kvenna.  

Minnast öflugrar baráttukonu

„Him­inn­inn grætur af því­líku offorsi núna,“ segir Anna Bentína Her­manns­dóttir, fyrr­ver­andi starfs­kona Stíga­móta, á Facebook. „Svo óbæri­legt,“ segir Guðrún Jóns­dóttir, fyrr­ver­andi tals­kona Stíga­móta.  

Fjöl­margir minn­ast öfl­ugrar bar­áttu­konu og þakka henni fyrir sitt fram­lag.

Ugla Stefanía Krist­jönu Jóns­dóttir minnir á hversu þungt það getur verið að standa í stafni slíkrar bar­áttu. „Það er líka alveg ljóst að þessi bar­átta er upp á líf og dauða, og þegar fólk er að kvarta undan þessum öfga­femínístum, gera lítið úr bar­átt­unni gegn kyn­ferð­is­of­beldi og draga í efa frá­sagnir þolenda, þá eru þau að ráð­ast gegn konum eins og Ólöfu. Konu sem hefur þurft að þola langt ofbeld­is­sam­band og áfram­hald­andi ofbeldi í kjöl­far þess að hún stígur fram og berst fyrir betra sam­fé­lagi.“ 

Hún sendi fjöl­skyldu Ólafar og vinum sam­úð­ar­kveðjur:  „Heim­ur­inn er svo sann­ar­lega fátæk­ari án hennar.“

„Ólöf Tara stóð vakt­ina sem fáir vildu standa. Slag­ur­inn sem hún tók gegn kyn­bundnu ofbeldi er nefni­lega ekki alltaf vin­sæll, en hann er svo mik­il­vægur. Hennar rödd var mik­il­væg og rataði hún meðal ann­ars í þings­á­lykt­un­ar­til­lögu sem ég lagði fram sem vara­þing­maður, og mældi fyrir á alþjóð­legum bar­áttu­degi kvenna. Síðan var hún líka bara ótrú­lega fal­leg sál og með smit­andi hlátur.

Elsku Ólöf, þú áttir ekki að þurfa að taka alla þessa slagi en þú gerðir það samt og við erum öll óend­an­lega þakk­lát fyrir það. Þú tókst utan um brota­þola og gerðir þeirra bar­áttu að þinni bar­áttu. Þú gerðir svo mikið fyrir sam­fé­lagið og mér þykir það svo leitt, enda ósk­andi að það hefði ekki verið svona mikið verk að vinna til að byrja með.

Þín rödd verður áfram mik­il­væg og mun alltaf vera það, við erum mörg sem ætlum að sjá til þess. Ég mun ávallt hugsa til þín á alþjóð­legum bar­áttu­degi kvenna,“ skrifar fyrr­ver­andi vara­þing­mað­ur­inn Lenya Rún. 

Í bar­áttu­hópi gegn ofbeldi er hennar minnst sem magn­aðrar konu, hetju, sem margir eiga margt að þakka. „Hún var ötul tals­kona fyrir breyttu og bættu sam­fé­lagi og að draga ger­endur til ábyrgðar og að trúa þolendum. Sam­fé­lagið er breytt hennar vegna og í minn­ingu hennar mun ég halda áfram að hafa hátt og standa með þolendum. Hvíldu í friði ein­staka kona og TAKK fyrir það sem þú hefur gert.“