Árið 2025 fer vel af stað fyrir þau sem fíla óreiðukennt ástand heimsmála. Á fáum dögum í embætti hefur Donald Trump, á ný orðinn forseti öflugasta herveldis heimssögunnar, slegið nýjan tón í samskiptum Bandaríkjanna við bandalagsríki sín. 

Í skugga þess að hann öskri á Mette Frederiksen að hann ætli að sölsa undir sig Grænland hittast forsætisráðherrar allra Norðurlandanna nema Íslands við kvöldverðarborð í Kaupmannahöfn og ræða á blandinavísku um það hvernig bregðast skuli við. 

Kanslari Þýskalands finnur sig knúinn til þess að minna á að landamæri skuli ekki hreyfa til með valdi og franski utanríkisráðherrann talar um það sem raunhæfan möguleika að evrópskur herafli verði fluttur til Grænlands til að verjast, ef Danir telji sig þurfa aðstoð, sem Frederiksen reyndar þvertekur fyrir. Það er ekki endilega sagt upphátt hverjum þurfi að verjast, en allir eru að hugsa það sama.

Eru undanfarnar vikur einungis upphafið, stinningskaldi á undan fullkomnu …