Árum saman hefur verið unnið að byggingu nýs Landspítala við Hringbraut og verður áfram í allmörg ár til viðbótar. Gunnar Svavarsson, framkvæmdastjóri Nýs Landspítala ohf. (NLSH), segir við Heimildina að um þessar mundir sé unnið að sex mismunandi meginþáttum verksins á Hringbrautarsvæðinu, en að auki annast NLSH uppbyggingu nýbyggingar við Grensásdeild og nýbyggingar við Sjúkrahúsið á Akureyri.

Það er í mörg horn að líta. Á Hringbrautarsvæðinu er unnið að því að byggja 10 þúsund fermetra hús fyrir Heilbrigðisvísindasvið Háskóla Íslands, rannsóknahús sem verður 18 þúsund fermetrar og tuttugu þúsund fermetra bílastæða- og tæknihús. „Svo er verið að vinna í meðferðarkjarnanum og uppi á þaki og í bílakjallaranum,“ segir Gunnar og nefnir að þá sé ótalið það sem verið er að vinna erlendis, við smíði tækja og búnaðar inn á nýja spítalann. 

Beðinn um að draga saman mannaflaþörfina í verkefnum félagsins segir Gunnar að líklega séu um 350 til 400 manns …