Inga um samstarf með Bjarna og Sigmundi: Gleymdu hugmyndinni!

Inga Sæland, for­maður Flokks fólks­ins, virð­ist ekki hafa mik­inn áhuga á sam­starfi með Sjálf­stæð­is­flokknum og Mið­flokknum miðað við svör hennar í kapp­ræðum Heim­ild­ar­innar sem fram fóru í Tjarn­ar­bíói á þriðju­dags­kvöldi.

Þor­gerður Katrín Gunn­ars­dóttir for­maður Við­reisnar sagð­ist þá merkja stjórn­ar­mynd­un­ar­teikn á lofti milli Sjálf­stæð­is­flokks, Mið­flokks­ins og Flokks fólks­ins. Sagði hún þá Bjarna Bene­dikts­son, for­mann Sjálf­stæð­is­flokks­ins og Sigmund Davíð Gunn­laugs­son, for­mann Mið­flokks­ins, hafa talað með þeim hætti í hlað­vörpum hér á landi.

„Það sem er að teikn­ast upp hér, það sem við erum að sjá hér,“ sagði Þor­gerður Katrín og greip þá Inga Sæland fram í fyrir henni og sagði skýrt og skil­merki­lega:

„Gleymdu hug­mynd­inni!“

„Það er þeirra draumarík­is­stjórn,“ sagði Þor­gerður Katrín og Inga end­ur­tók fyrri ummæli aftur.

„Jæja, þú verður þá að tala við þá því þeir eru í ein­hverju brómansi [Bromance þýðir bróð­ur­leg ást] í ein­hverjum hlað­vörpum núna,“ sagði Þor­gerður og upp­skar hlátrra­sköll úr sal.

Sjón er þó sögu rík­ari og má sjá orða­skiptin hér fyrir neðan.