Bjartmar og Arnar eru að fara að gifta sig. Öll fjöl­skyldan er mætt. En eins og hinsegin fólk veit þá hefur fjöl­skylda ekki endi­lega með skyld­leika að gera. Sviðs­lista­kór­inn Viðlag hefur gert það gott síð­ustu miss­eri með því að taka sinn eigin radd­aða og íslenska snún­ing á erlend söng­leikja­lög. Nú er kór­inn mættur á sviðið í Tjarn­ar­bíói í allri sinni lita­dýrð.

Höf­und­arnir fimm hnoða saman söng­leikja­lögum úr öllum áttum, sum frum­samin og önnur úr glymskratta­söng­leikjum, og bjóða upp á syk­ur­sæta og snjalla söng­leikja­hnall­þóru. Hægt er að fleyta glymskratta­söng­leik ansi langt á skot­heldum lögum, Mamma Mia! sannar það, en til þess þarf kunn­áttu og ástríðu, Viðlag á nóg af hvort tveggja. Höf­und­arnir eru líka með­vit­aðir um kraft­inn sem býr í síð­asta lagi fyrir hlé og næst­síð­asta lag­inu fyrir lok leiks, enda eru bæði þessi lög sér­stak­lega vel valin. Einnig eiga þau flest heið­ur­inn af texta­þýð­ing­unum en lögin eru þýdd yfir á …