Sanna Magdalena Mörtudóttir, borgarfulltrúi Sósíalista, lagðist gegn samþykkt tillögu um framhald á tilraunaverkefninu „fyrr á frístundaheimili“ fyrir börn sem eru að ljúka leikskóla og hefja grunnskólagöngu í haust. 

Sanna telur að hugmyndin að baki verkefninu, sem gengur út á það að verðandi grunnskólabörn 10 skóla geti sótt frístundaheimili frá byrjun júní, sé góð en að útfæra þurfi tillöguna betur og að nauðsynlega þurfi að taka tillit til athugasemda þeirra sem hafa reynslu af starfi frístundaheimila. 

„Aðstæður eru ólíkar milli frístundaheimila og biðlistar og mönnunarvandi viðvarandi. Ekki verður séð hvernig á að bæta við börnum án þess að útkljá þann vanda fyrst,“ segir í bókun Sönnu. 

Kostar 59 til 77 milljónir

Fulltrúar meirihlutans sögðu aftur á móti mikilvægt að halda áfram með verkefnið. Með því gæfist börnum kostur á að „kynnast skólarýminu, aðstæðum og hverju öðru áður en formlegt skólastarf hefst“. Meirihlutinn viðurkenndi þó að um viðamikið verkefni væri að ræða …